更多
2022-12-30
105 瀏覽
香江花月三間分店嚟講銅鑼灣店應該係最大最奢華嘅一間,保留復古韻味嘅同時,成間餐廳都有大量自然採光,感覺光猛企理,枱與枱之間分隔得遠,私隱度滿分。上次喺佐敦店試過佢嘅打卡類點心,水準非常高,今次就試試佢嘅傳統點心,水準拍得住其他高質嘅酒樓,欣賞呢度嘅出品唔會好油膩,連燒賣嘅外皮都特別清新🤣 雪山叉燒包非常酥化,一咬落去外層就會鬆開,好似食緊手工牛油曲奇咁~蛋白炸雀巢賣相主要靠個裝飾用鐵架但味道都唔錯,齋食脆脆口感又得,浸完湯當普通麵食亦ok~甜品要等耐少少但都係值得嘅~原個椰皇燉鮮奶,加咗蘆薈甜味清新,鮮奶好滑又夠熱,食完好滿足~
張貼