影片
更多
2009-06-27
34 瀏覽
http://hk.myblog.yahoo.com/goodboy_philip/article?mid=35189突然口痕想食炸豬扒, 銅鑼灣有兩間出名吉列豬扒: Tonkichi 同豚組, 前者好味人人知, 日日都要排隊, 一於過去黃金廣場既豚組試試? 至於好唔好食?又睇落去? 地址: 銅鑼灣軒尼斯道502號黃金廣場7樓早 Book 位免去排隊時間, 環境雖然大, 不過都滿座! 同 Tonkichi 一樣芝麻自磨, 自己磨又磨得幾香 woh! 磨完加醬汁等食! ha...二人前 order 左兩樣野: 侍應話呢個特大吉列豬扒二人都夠食, 暗示我叫埋吉列大蝦拼蠔食唔哂...wakaka..特大薄紙之脆豚: gimmick 主打, 上枱真係幾大塊! 大過 ebi chan 塊面呀!實物可以同上面塊檸檬同牙簽比一比?塊豬扒如其名超薄, 令我諗起...唔會飛既翼...wakaka...炸得金黃, 金光閃閃, 外層好脆, 麵包糠薄碎, 豬扒要摺埋食先有點咬口!味道同厚厚豬扒相比完全唔同, 純粹享受食吉列脆脆口感會喜歡; 要食落有肉有咬口就不要 order, 因為豬扒紙咁薄! 如果去食, 除
突然口痕想食炸豬扒, 銅鑼灣有兩間出名吉列豬扒: Tonkichi 同豚組, 前者好味人人知, 日日都要排隊, 一於過去黃金廣場既豚組試試? 至於好唔好食?又睇落去?
地址: 銅鑼灣軒尼斯道502號黃金廣場7樓
早 Book 位免去排隊時間, 環境雖然大, 不過都滿座!
同 Tonkichi 一樣芝麻自磨, 自己磨又磨得幾香 woh! 磨完加醬汁等食! ha...
二人前 order 左兩樣野: 侍應話呢個特大吉列豬扒二人都夠食, 暗示我叫埋吉列大蝦拼蠔食唔哂...wakaka..
特大薄紙之脆豚: gimmick 主打, 上枱真係幾大塊! 大過 ebi chan 塊面呀!
實物可以同上面塊檸檬同牙簽比一比?
塊豬扒如其名超薄, 令我諗起...唔會飛既翼...wakaka...炸得金黃, 金光閃閃, 外層好脆, 麵包糠薄碎, 豬扒要摺埋食先有點咬口!
味道同厚厚豬扒相比完全唔同, 純粹享受食吉列脆脆口感會喜歡; 要食落有肉有咬口就不要 order, 因為豬扒紙咁薄! 如果去食, 除非幾個人食, 咁大塊豬扒每人試少少, 再 order 其他更化算! 我 cut 開左八塊, , 我既食法係食一塊點一芝麻醬, 食一件蠔; 食一塊又點一種沙津醬, 扒一啖飯; 食一塊點芝麻醬, 食一件沙津醬蝦; 食一塊又點一種芝麻醬, 扒一啖飯; 第五塊真係膩膩地...
吉列大蝦拼蠔: 未講蝦同蠔前, 講下個味噌湯 (超咸...好難飲...), 蘿蔔漬, 椰菜絲正常, 白飯頗實好似"透唔到氣" 咁...先食炸蠔, 如果同 Tonkichi 相比, 炸麵包糠略嫌薄, 不過超脆, 有"卡察" 聲發出架! 蠔就不夠肥美..
咁個吉列蝦呢? 原隻蝦肉很結實, 跟 Tonkichi 好相似, 分別都係在於吉列外層脆味同內層麵包糠質感! 其實"豚組" 算唔錯, 比其他吉列食店 "近又", "十勝豚丼" 好好多, 不過吉列王者 Tonkichi 更加好味!
到最後食二人埋單四百有找。整體價錢比 Tonkichi 平 d d。
環境: 3.5 (有 bar 枱, 有 order 枱, 有極有私人空間既四人卡位, 地方寬敞, 燈光柔和, 環境舒服!)
衛生: 3 (ok!)
服務: 3.5 (幾位侍應招呼好主動, 主動講解食法, 加茶速度快)
設計: 2.5 (MENU 圖片清楚, 不過卡紙 MENU 係時候換了)
味道: 3 (吉列質素唔錯, 炸得很脆, 不過個人喜歡咬下比較實在既麵包糠多一點, 肉既質素亦可以改善。)
價錢: 2.5 (本想 order 一個雜錦 set, 不過定價 $328 而選擇不多; 普通 set 平均 $120-160 不等)
最終評分: 3.5 喜歡吉列, 但試無妨! 有機會再去試下豚組既鵝肝漢堡, 因為兩樣都係好孩子 favorite food! keke...
上戶彩,蛯原友里,婚嫁,日劇,豚組,TONKICHI,吉列豬扒,炸豬扒,銅鑼灣,好孩子,日本
張貼
