更多
2020-12-09
1527 瀏覽
喺Office忙咗成日,夜晚約咗朋友傾少少嘢,順便慰勞一下自己,揀完一輪,我哋決定咗去打邊爐,烚吓烚吓慢慢傾🥘一坐低見到個餐牌其實大家都打咗個突,覺得有少少貴,但當開始食嘢之後,就發現呢個價錢絕對值得😋🍲濃湯佛跳牆雞翅鍋 $398個湯底非常足料,大家一致認同淨係嚟食佢個湯,唔叫其他嘢食都值得,個湯非常濃郁,入面有花膠、海蔘、鮑魚、翅、螺片、柱貝、金華火腿、鮮雞件同埋大量娃娃菜,娃娃菜吸收晒個湯同材料嘅精華,喺味覺層面來講絕對係絕佳享受,但略嫌有少少洗得唔乾淨。👑 養生花膠筒 ($138)除咗湯底之外,朋友一致認同全晚CP值最高就係呢個花膠筒,份量出乎意料地多,放落個湯度吸收晒所有精華,再加埋彈牙嘅口感,大家都讚不絕口👍🏻🇳🇿 紐西蘭草飼羊肉片 ($138)食得出質素唔差,不過感覺可能喺室溫拖咗一陣先上菜,顏色有啲唔新鮮,朋友覺得太羶,不過我自己就幾鍾意🥩🥟 XO鮑魚蝦餃王($58)鮮味十足,咬開清楚見到各樣材料,有蝦米、瑤柱、鮑魚片、鮮蝦肉、少少蔥,真係足料到一個令人驚訝嘅地步!🦑 皇帝柱貝墨魚丸($58)墨魚丸爽滑彈牙,加上青蔥嘅香味,柱貝嘅鮮香,非常美味😋🍜 稻庭烏冬 ($38)有
一坐低見到個餐牌其實大家都打咗個突,覺得有少少貴,但當開始食嘢之後,就發現呢個價錢絕對值得😋
$398
13 瀏覽
0 讚好
0 留言
個湯底非常足料,大家一致認同淨係嚟食佢個湯,唔叫其他嘢食都值得,個湯非常濃郁,入面有花膠、海蔘、鮑魚、翅、螺片、柱貝、金華火腿、鮮雞件同埋大量娃娃菜,娃娃菜吸收晒個湯同材料嘅精華,喺味覺層面來講絕對係絕佳享受,但略嫌有少少洗得唔乾淨。
$398
8 瀏覽
0 讚好
0 留言
👑 養生花膠筒 ($138)
除咗湯底之外,朋友一致認同全晚CP值最高就係呢個花膠筒,份量出乎意料地多,放落個湯度吸收晒所有精華,再加埋彈牙嘅口感,大家都讚不絕口👍🏻
🇳🇿 紐西蘭草飼羊肉片 ($138)
食得出質素唔差,不過感覺可能喺室溫拖咗一陣先上菜,顏色有啲唔新鮮,朋友覺得太羶,不過我自己就幾鍾意🥩
🥟 XO鮑魚蝦餃王($58)
鮮味十足,咬開清楚見到各樣材料,有蝦米、瑤柱、鮑魚片、鮮蝦肉、少少蔥,真係足料到一個令人驚訝嘅地步!
🦑 皇帝柱貝墨魚丸($58)
墨魚丸爽滑彈牙,加上青蔥嘅香味,柱貝嘅鮮香,非常美味😋
🍜 稻庭烏冬 ($38)
有個咁正嘅湯底,有乜理由唔叫個烏冬一齊食?烏冬爽滑彈牙,配埋個湯底簡直無敵,幾飽都一定要食返碗,唔好嘥咗個湯底😍
另外值得一提嘅就係佢嘅醬料盆,個麻醬係我喺 火鍋店見過最濃最杰身嘅麻醬,另外沙茶醬亦都非常香濃,絕對冇揸流攤🥣
張貼