泰 (銅鑼灣廣場二期) (已結業)

好耐冇食過泰國菜,早幾日就同朋友食呢間係銅鑼灣性價比幾高嘅泰國菜。泰式小食拼盤啱晒我哋,各種小食都有齊,最好食嘅就係串燒,本身已經有少少蜜汁味道,加埋沙嗲醬就更惹味。黃咖喱牛肉用嘅係牛腩而且仲有好多雜菜,不過味道就略為偏甜咗少少。食咖喱當然要配埋香酥薄餅。豬頸肉嘅份量都幾多,配埋酸酸甜甜嘅醬汁幾開胃。泰式鮮蝦炒金邊粉俾我想像中嘅份量多好多,本身一上枱仲諗緊D蝦到底係邊,原來喺晒底,蝦妙得幾爽口,仲有唔少豆乾做配菜,配埋花生粉好香口。