影片
更多
2014-09-18
518 瀏覽
一籠搶眼到爆的八色小籠包, 令「樂天皇朝」甫開幕就瞬即成為廣大香港人的destination restaurant. 最近餐廳推出一系列新加坡美食。奇怪點解餐廳做做下小籠包會去賣喇沙? 其實make sense至極, 因為樂天皇朝的根, 就在新加坡。今晚一行三人來到餐廳試吃tasting menu, 十道菜的試菜菜單食到女伴們個胃/ 肚飽到大過個胸 (唔係講笑架, 她們正常身材啫XD) 同行者當中有一位來自馬來西亞的女生, 去新加坡好似我們去長洲咁頻密, 佢話在當地都有聽過樂天皇朝的名字, 今晚有佢來定奪新餐牌的食物是否正宗, 啱晒!馳名皇朝小籠包, 店方稱各種不同味道係撈入肉餡之中, 那八塊皮的顏色是用菠菜汁、墨汁等唔同顏色的食材所製, 所以每次的顏色都會深淡不一。本身看菜式的樣貌, 以為只得個酸字, 原來碟裡的紅色辣椒唔單止係裝飾, 成道菜真係有一點點微辣, 甚有驚喜。個人認為很聰明的一道菜。本身好鍾意食油麥菜, 但通常都係成棵咁煮, 條菜有D長, 食起上來有困難。將油麥菜切段再捲埋一起, 賣相好, 食起來又方便, 一卷卷菜的口感亦夠爽身, 其實點唔點麻醬都一樣可口。新鮮熱辣地吃,
今晚一行三人來到餐廳試吃tasting menu, 十道菜的試菜菜單食到女伴們個胃/ 肚飽到大過個胸 (唔係講笑架, 她們正常身材啫XD) 同行者當中有一位來自馬來西亞的女生, 去新加坡好似我們去長洲咁頻密, 佢話在當地都有聽過樂天皇朝的名字, 今晚有佢來定奪新餐牌的食物是否正宗, 啱晒!
馳名皇朝小籠包, 店方稱各種不同味道係撈入肉餡之中, 那八塊皮的顏色是用菠菜汁、墨汁等唔同顏色的食材所製, 所以每次的顏色都會深淡不一。
本身看菜式的樣貌, 以為只得個酸字, 原來碟裡的紅色辣椒唔單止係裝飾, 成道菜真係有一點點微辣, 甚有驚喜。
個人認為很聰明的一道菜。本身好鍾意食油麥菜, 但通常都係成棵咁煮, 條菜有D長, 食起上來有困難。將油麥菜切段再捲埋一起, 賣相好, 食起來又方便, 一卷卷菜的口感亦夠爽身, 其實點唔點麻醬都一樣可口。
新鮮熱辣地吃, 鬆脆既, 不過未算令人印象深刻。
也是美味的, 不過同上, 未算令人印象深刻。
吃頓甜酸汁做的蝦球, 呢種係幾得意的配搭, 蝦球亦做得好爽脆, 有encore的衝動!
馬來西亞女生friend認為呢個汁好似新加坡炒蟹個汁! 個人亦認為汁料好惹味, 係會令人食到停唔到口嗰隻, 基本上用來襯乜食材都得, 餐廳就揀左襯落豆腐度, 其實如果可以俾我揀, 俾件bruschetta 嗰啲多士俾我用來點醬會正到爆!! (純粹個人意見, 不喜勿插)
食材醬汁的配搭幾新穎, 賣相亦都幾靚, 只係舊骨可以再入味D。
一連串的鋪排都只係為了迎來今晚的壓軸亮點!!馬來西亞女生朋友, 飲左一口湯就即爆：「好正宗! 同新加坡的喇沙冇分別！」味道如何唔使多形容啦?!
只有少少個人口味的意見係: 個人吃喇沙係超~~~~ 喜歡吃入面的豆腐卜, 如果可以加多幾粒俾我可以encore再encore甚至用豆腐卜索晒D湯飲清佢就perfect啦!
這個凍食甜品內有D碎冰, 混合蘆薈粒和杞子三樣東西的口感都幾有趣, 之不過當晚吃飯時餐廳冷氣太~ 凍~ 啦~~ 我們一路吃一路有D打冷震, 但又要繼續乾左佢...!
題外話/補充資料：
開心share: 鑑於餐廳而家仲未攞到酒牌, 未能提供酒單, 但餐廳又唔會埋沒愛好杯中物者(如我) 對酒精的渴求, 所以歡迎食客自攜酒水, 仲要係免收corkage, 但又會好細心咁幫你雪酒喎!! 呢個位係抵到有D得人驚!
(以上食評乃用戶個人意見 , 並不代表OpenRice之觀點。)
張貼
