更多
2016-01-28
365 瀏覽
係韓風咁勁既時期,去拍拖都離唔開韓燒啦,但黎食去都係差唔多,開始有d悶呢?不如去試下呢間冧女一流的韓燒位置係地鐵出口,好方便,入到黎,都幾有情調,因為係一張枱一盞燈每盞燈下面其實係一個抽風位黎,好睇又好用,就連枱角都磨平埋,真係男友都無咁細心呀!睇番個枱既擺設先,有生菜,沙律,醃野有泡菜,洋蔥粒同菜生菜幾新鮮,唔會爛溶溶沙律就麻麻,D椰菜絲無啤水,好硬,同埋好大兜,2個人應該俾少d, 有d浪費~呢度既醃野好得,3款都好味,尤其係個泡菜,爽甜辣度都好好,我refill左3次 XD白色既係蘿蔔水,酸酸甜甜,又凍凍地,食完肉後飲啖,好解膩,讚~個鐵既燒盤應該係特制,前面有個坑,但唔係整蛋餅,而係俾d油流落去的~呢度除左唔同的燒肉,仲有唔少韓食不過今日就專攻燒肉先~食韓燒,點可以無五花腩,先黎一個黑豚五花腩肉啦~大大2塊只係138元,超市買都要怕燒得唔好俾女友詐型?放心,呢度燒肉既粗重工夫有韓國oppa幫你做哂,你只係坐係度影相同食就得Oppa 好聰明咁既d菇放係肉前面,吸哂d肉汁,d菇唔使咁乾之餘仲有肉既香味~豚肉有少少豬肉既騷味, 唔係得雪味~食既時候可以加入唔同的醃料,順帶一提,呢度既麵
不如去試下呢間冧女一流的韓燒
位置係地鐵出口,好方便,
入到黎,都幾有情調,因為係一張枱一盞燈 每盞燈下面其實係一個抽風位黎,好睇又好用,就連枱角都磨平埋,真係男友都無咁細心呀!
睇番個枱既擺設先,有生菜,沙律,醃野有泡菜,洋蔥粒同菜
生菜幾新鮮,唔會爛溶溶
沙律就麻麻,D椰菜絲無啤水,好硬,同埋好大兜,2個人應該俾少d, 有d浪費~
呢度既醃野好得,3款都好味,尤其係個泡菜,爽甜辣度都好好,我refill左3次 XD
白色既係蘿蔔水,酸酸甜甜,又凍凍地,食完肉後飲啖,好解膩,讚~ 個鐵既燒盤應該係特制,前面有個坑,但唔係整蛋餅,而係俾d油流落去的~
呢度除左唔同的燒肉,仲有唔少韓食
不過今日就專攻燒肉先~ 食韓燒,點可以無五花腩,先黎一個黑豚五花腩肉啦~大大2塊只係138元,超市買都要
怕燒得唔好俾女友詐型?
放心,呢度燒肉既粗重工夫有韓國oppa幫你做哂,你只係坐係度影相同食就得
Oppa 好聰明咁既d菇放係肉前面,吸哂d肉汁,d菇唔使咁乾之餘仲有肉既香味~
豚肉有少少豬肉既騷味, 唔係得雪味~ 食既時候可以加入唔同的醃料,順帶一提,呢度既麵豉醬好好味呀,唔太咸但有麵豉既清香
仲有d麵豉粒係入面增加口感 韓燒其實真係要食牛,不話衰佬唔舒服,唯有食雞啦
雞加左秘製燒汁去醃,類似平時既燒汁,少甜。真係幾野味
oppa既手勢好好,燒完既肉仲好滑~ 再黎,就係呢個專利的
朴將軍鐵板秘製黑豚肉~
BLACK PORN SIOYAKKI
「SIOYAKKI」已經註冊成商標專利。「SIOYAKKI」是一款獨一無二的家傳風味菜式,
利用歷代相傳的自家秘製醬料烹調黑豚薄片。不論烹調方法,醬料和食譜都獲得專利權。
首先將刨成薄片的西班牙黑豚肉放係鐵板至燒熟 之後加上一大盤配菜去炒,再加埋飯去,中間加入芝士,再砌成個
"心型" 真係心思無限,帶女友黎,一定有驚喜呀,女人都係鍾意呢d野架啦 ~
個心型並唔係得個睇字架,入面既芝士溶哂mix埋個炒飯食,好新鮮的食法 唯一係食唔慣d咁長的京葱絲,有d難咬,食到好攰 haha
就黎情人節啦,仲未諗到去邊,不妨考慮下呢度
話哂有個心喎~
張貼