更多
2022-06-03
25 瀏覽
老朋友升職加薪,特登約左我食飯,慶祝一番。咁岩撞正平日有假放,女朋友又番工,當然要約朋友食飯慶祝下啦。我地諗左好耐唔知食咩好,朋友介紹左一間日式鐵板燒餐廳,聽講質素幾高,我地就去食個午餐。午餐有lunch set menu,我地叫左午餐B。先來沙律,我地都叫左芥末醋汁,沙律簡單清甜,幾開胃醬汁,為一陣間美食打開序幕。之後有魚籽醬配日本帶子。底下是菠菜汁,帶子香甜嫩口,配上魚籽醬,味道鮮香提升不少。之後再來龍蝦,配龍蝦膏醬汁,更是令人未能忘記。龍蝦肉質非常香嫩鮮美!主菜叫左牛肉薄燒,朋友叫左燒牛柳。燒既時間控制得好好,配竹炭鹽,更是提升肉味。清甜湯品清清味蕾,再來海鮮炒飯,蝦肉蜆肉份量都好多。最後更加有甜品。午餐非常滿足!
張貼