影片
更多
2006-05-06
8 瀏覽
之前都幫襯過呢度既火鍋，但就係第一次幫襯呢度既茶市。早前見OR 食友推介已然有興趣黎試，今日終於成事。當然都係例牌睇下有無得book 檯，因為酒樓的茶市好多時都無得book 兼要等好耐。好好彩，呢度係有得訂位的，book 左2:00 4 位。試左menu 上的約一半款式食物，極力推介既有：蝦餃- 估唔到蝦肉幾新鮮同爽口，但皮厚左少少。叫左2 碟蝦腸- 幾滑、蝦肉亦係爽口，但豉油太鹹。都係叫左2 碟杞子桂花糕- 幾清新，略甜了少少，叫左3 碟。羊肉春卷- 幾特別，長長的，很脆。海蜇頭- 好爽，好有口感。口水雞- 雞就ok 滑。炸雲吞- 好脆、個五柳汁都ok。蕎麥千層糕- 有d 似馬拉糕、味道唔錯。試左覺得唔洗食既有：燒賣- 老實講，算係食過最難食的燒賣，得豬肉但又唔香口(可能比例唔好)，但呢度既燒賣係無蝦的。鳳爪- 無咩味，比一般酒樓既差。排骨- 感覺似食緊唔知咩味既豬肉。灌湯餃- 粒餃唔知似咩，個湯又鹹左d。紅油抄手- 完全食唔出佢應有既味道，d 雲吞又唔掂、個辣油又唔掂，下次唔會叫。蒙古餡餅- 入面既羊肉有D 羶，但我個人係受到呢種羶味的，但係整體覺得麻麻地，可能係個餡餅同肉餡幾乎係
早前見OR 食友推介已然有興趣黎試，今日終於成事。當然都係例牌睇下有無得book 檯，因為酒樓的茶市好多時都無得book 兼要等好耐。好好彩，呢度係有得訂位的，book 左2:00 4 位。
試左menu 上的約一半款式食物，極力推介既有：
蝦餃- 估唔到蝦肉幾新鮮同爽口，但皮厚左少少。叫左2 碟
蝦腸- 幾滑、蝦肉亦係爽口，但豉油太鹹。都係叫左2 碟
杞子桂花糕- 幾清新，略甜了少少，叫左3 碟。
羊肉春卷- 幾特別，長長的，很脆。
海蜇頭- 好爽，好有口感。
口水雞- 雞就ok 滑。
炸雲吞- 好脆、個五柳汁都ok。
蕎麥千層糕- 有d 似馬拉糕、味道唔錯。
試左覺得唔洗食既有：
燒賣- 老實講，算係食過最難食的燒賣，得豬肉但又唔香口(可能比例唔好)，但呢度既燒賣係無蝦的。
鳳爪- 無咩味，比一般酒樓既差。
排骨- 感覺似食緊唔知咩味既豬肉。
灌湯餃- 粒餃唔知似咩，個湯又鹹左d。
紅油抄手- 完全食唔出佢應有既味道，d 雲吞又唔掂、個辣油又唔掂，下次唔會叫。
蒙古餡餅- 入面既羊肉有D 羶，但我個人係受到呢種羶味的，但係整體覺得麻麻地，可能係個餡餅同肉餡幾乎係分開左咁，食落唔覺得好食。
彩粒翠肉粿- 睇個名唔知係咩，所以點左一碟試下，黎到外皮比較"un" 入面既材料又唔豐富，所以不吃也可。
南瓜煎軟餅- 唔覺有南瓜味，煎得唔香口，又比較硬同實。
吃下無妨的有：
菜苗腸粉- 腸粉都係滑，而菜苗幾香同清。
峰巢芋茸角- 算係OK 啦。
紫米鮮椰露- OK 但太甜。
香芋西米糕- 軟硬適中，麻麻地啦。
泰醬炒蘿蔔糕- 都唔錯既。
雞絲粉皮- 算係特別D 既野食，但粉皮好厚而唔係"煙UN" 果種，所以當試下好了。
麻辣豬耳絲- 一般啦。
粟米魚肚羹- 普通貨式。
食到勁飽，每位都係$40 + $5 (茶位- weekdays 唔收) + 10% 計落先$50 / head，好抵食。但同行有位3 歲既小朋友，而佢都係要收正價，呢點就貴左d，但3 個大人跟一個小朋友，埋單$200 都係抵的。
各位去之前記得訂檯，咁樣快好多。我book 2:00 早5 分鐘左右去到，已經見到好多人，但因為我有訂檯，佢就會叫晒訂左檯既客人先，之後再叫拎飛仔既客人。所以唔想等就訂檯啦。
整體覺得呢度坐得算舒服，d 客又無平時酒樓既咁嘈，buffet 由2 點食到4 點，時間充足。上菜速度都算ok，同埋一碟都無漏。
張貼