影片
更多
2013-04-09
1632 瀏覽
同幾個朋友一行4人去晚飯,其實之前食過一兩次,食物質素的確唔錯,所以值得再去今次食物質素照樣KEEP到,手切安格斯牛肉入口滑溜,但略欠牛味,$198(大)(不是圖片中的肥牛)美國肥牛唔抵食,$98,雖然價錢平一半,但分量少,質素亦非常普通,只比市面其他任食火鍋的肥牛好一點蝦滑拼墨魚滑好食彈牙,芝士牛丸和WASABI墨丸sell 創意居多,好食與否見人見智響鈴食得出自家新鮮炸起,略厭大件左少少,食兩件已覺得油膩感十足本想叫醉蟹鍋做湯底,但經理話賣晒,推介左個牛尾鍋,朋友講笑問道係咪真係好味架?經理話湯底似羅宋湯,但來到唔係一回事,湯底麻麻,唔係太似羅宋湯,但牛尾好食另外坐低時侍應會幫你加豉油,一款是打邊爐用,一款是加wasabi食刺身用,有少少似暗示你要試呢度d刺身咁我地最後都叫左個章紅魚刺身,大約$80,份量不算多,但的確新鮮,魚肉彈牙,值呢個價最後想講佢地服務,一入到去坐低幫我地加豉油的男侍應,我開頭唔知點解要有兩款豉油,問佢有咩分別但佢唔知聽唔到定發緊夢無答我,最後問另外一個阿姐先有答案個男侍應全晚問佢野或叫佢跟單都似夢遊緊,唔係答得慢就跟左單都係無結果無黎到女侍應個阿姐好有禮貌,
今次食物質素照樣KEEP到,手切安格斯牛肉入口滑溜,但略欠牛味,$198(大)(不是圖片中的肥牛)
美國肥牛唔抵食,$98,雖然價錢平一半,但分量少,質素亦非常普通,只比市面其他任食火鍋的肥牛好一點
蝦滑拼墨魚滑好食彈牙,芝士牛丸和WASABI墨丸sell 創意居多,好食與否見人見智
響鈴食得出自家新鮮炸起,略厭大件左少少,食兩件已覺得油膩感十足
本想叫醉蟹鍋做湯底,但經理話賣晒,推介左個牛尾鍋,朋友講笑問道係咪真係好味架?
經理話湯底似羅宋湯,但來到唔係一回事,湯底麻麻,唔係太似羅宋湯,但牛尾好食
另外坐低時侍應會幫你加豉油,一款是打邊爐用,一款是加wasabi食刺身用,有少少似暗示你要試呢度d刺身咁
我地最後都叫左個章紅魚刺身,大約$80,份量不算多,但的確新鮮,魚肉彈牙,值呢個價
最後想講佢地服務,一入到去坐低幫我地加豉油的男侍應,我開頭唔知點解要有兩款豉油,問佢有咩分別
但佢唔知聽唔到定發緊夢無答我,最後問另外一個阿姐先有答案
個男侍應全晚問佢野或叫佢跟單都似夢遊緊,唔係答得慢就跟左單都係無結果無黎到
女侍應個阿姐好有禮貌,見佢都好勤力,但叫佢跟單都係做唔到野
最後就係漏單情況真係非常嚴重,由我地落左單開始等左20分鐘只係黎左碟牛肉,個鍋都未黎
過多十分鐘就黎個鍋,等到滾起我地食完碟牛都未黎其他野,我朋友仲講笑話似食緊法國火鍋餐,上菜速度奇慢
崔一崔單先黎個刺身,食完再崔先再黎其他配料,最後碟後加的美國肥牛要崔上崔,分別崔左兩三個唔同侍應同經理先黎
我當然知道呢個只係個別情況,因為隔離枱遲過我地黎0既客0係我地食緊刺身時已經黎晒所有野
呢個先係我地更加嬲0既原因,
但始終呢間火鍋食物質素真係ok,可以再去,只希望下次再去的時候我地唔會再咁黑仔係被遺忘的一群
題外話/補充資料：
記得check單,我地開頭叫個西洋菜,侍應同我地講賣晒,轉左個唐生菜
但最後張單竟然兩樣菜都有計數,我地叫經理過黎同佢講我地無叫到西洋菜,佢仲好意思話:係呀,西洋菜賣晒
咁賣晒0既話你張單就唔應該會有西洋菜啦,可以醒少少lor好無
(以上食評乃用戶個人意見 , 並不代表OpenRice之觀點。)
張貼
