嚐仙 (已結業)

話說有一日睇完戲，經過銅鑼灣見到有間甜品舖排到人山人海，就一於等一等試吓，基本上見到舖頭都係食台灣甜品，珍珠奶茶，地瓜溶，芋圓粉圓嗰啲甜品，我就叫咗一個上邊有杏仁布甸嘅甜品，唔記得咗叫咩名，佢有分1號同2號嘅，一個係紅豆底第一個就係水蜜桃底，兩款我都食過，感覺上紅豆仔嘅感覺有誠意啲，水蜜桃抵受有啲似罐頭水蜜桃嘅味道，整體上芋圓完都好煙韌，仲有啲椰果粒粒，最出色嘅就係上邊有一個杏仁布甸，如果鍾意食杏仁嘅同學，一定唔可以錯過。個人建議，紅豆底係好食啲嘅！