喜來稀肉 (登龍街)

營業中

休息中

天氣一轉凍，又係打邊爐食燒肉嘅時候了😋呢間燒肉店已經推介晒比身邊嘅朋友，旺角、尖沙咀、銅鑼灣分店都去過晒了😆，今日陪朋友去銅鑼灣買禮物，順便再食過！喜來烤肉 $158擺盤好靚又有心思，烤肉口感嫩滑又充滿牛肉香味，唔需要點醬汁都好入味。豬頸肉 $150好脆好爽口，不過有啲難燒，所以我哋先剪開一半再慢慢燒。蟹籽紫菜飯團 $50呢個飯團真係好抵食！差唔多次次都必嗌，好鍾意自己整，可以整細細粒一啖食晒，飯粒撈埋蟹籽、紫菜、醬汁令到飯團口感好豐富。水冷麵 $95食一啖燒肉，再食一啖水冷麵🍜好正😋！水冷麵浸住冰水，食嘅時候涼浸浸，而且口感都好爽口，可以解燒肉嘅油膩。可惜兩個人嗌唔到太多食物，如果一班人一齊食就可以試多啲唔同款式。