喜來稀肉 (已結業)

上星期我同左一個好多年無見嘅朋友食飯，我地去左銅鑼灣嘅「喜來稀肉」食韓式燒烤我們叫左喜來烤肉、牛肋骨肉、五花肉、豬頸肉。一品料理有炒年糕，蔥餅同石鍋拌飯等!喜來烤肉，賣相超級精緻吸引，因他們將幾片薄身牛肉堆砌成一朵玫瑰花，真係非常有心思，而肉質就好有彈性，肉味亦好濃郁!五花肉切得厚薄適中，肉質相當軟稔，雖然脂肪比較多，但唔會有好油膩感覺，加埋伴菜洋蔥絲一齊食，又是另一番風味豬腸、牛腸燒起來好香口，護心肉肉質好嫩滑！爐邊蛋，一邊係泡菜，一邊係芝士，泡菜比較惹味，而芝士就比較軟滑，又好味又邪惡。豬頸肉嘅肉質好軟滑，爽口！牛肋骨肉嘅脂肪分佈非常平均，肉汁亦相當多!而本人必食推介係石鍋拌飯，材料相當豐富，飯焦亦好香脆，炒年糕口感煙韌，蔥餅香脆，一品料理幾有水準“喜來”無論喺食材，服務質素都做得非常到位，值得大家一試。