咖啡弄 (已結業)

唔係第一次黎咖啡弄，之前排隊排得好誇張！今次因為友人未試過，所以專程帶佢黎試下！由以往經驗覺得一定等位等到飛起，所以一早就去拎飛，冇預期中人多，不過仍然有限時，只有一個半小時用餐時間！入到去梗係快手快腳落order先黎個總滙三文治！食嘅時候，要小心啲，因為中間有支牙韱插住，冇留心嘅一定會唔小心咬到！個三文治新鮮即叫即做，好好味！黎到咖啡弄冇理由唔叫野飲嘅！呢杯果茶唔係好甜，介紹左俾友人，佢話好酸喎。。。我就叫左杯玫瑰latte，因為真係有好香玫瑰花香味，好清新！令人回味！下次可以再叫其他限定野食！同埋試其他野飲