Bella Shine (已搬遷) 新店位置

觀塘工廠大廈一向美食多，今次去到bella shine，水準都唔錯，價錢亦唔算貴。環境都幾舒服，適合一班friend上黎吹水或者開會。一坐得先上左個南瓜濃湯，甜甜地好香濃唔錯。加上個餐多士烘到脆卜卜，點一點d湯黎飲，正。叫左三個主食，平均得黎都幾好食，而且分量十足。日式吉列黑豚配冷稻庭烏冬 ($88)味道唔錯，酸酸甜甜咁，烏冬口感爽口彈牙。但美中不足既係，吉列黑豚唔夠 脆，如果可以分開另上，應該會更好。泰式紅咖喱燴羊配酥餅 ($96)我覺得呢個係三個主食入面最好食既，紅咖喱咸中帶少少辣，好惹味。羊肉嫩滑帶有少少羊的so味，酥餅脆卜卜，點咖喱汁一齊食好好食，又夠飽肚。鹽燒鯖魚。免治雞肉配日本珍珠飯 ($92)鯖魚燒得好好食，唔會太老，又能夠保留魚本身的鮮味，加少少檸檬汁味道更提升。珍珠飯咬口都唔錯，好軟熟，有淡淡的米香。甜品叫左個水信玄餅 ($68)*苣藥.jelly加黑糖汁加日本豆粉的配搭好新鮮，而且唔太甜，唔會有食得太滯既感覺。苣藥卡路里極低，係想食甜野但有怕肥的人的恩物。最後叫多左一杯cuppaccino作為ending。好滿足的一餐。