雞駅花膠雞米線專門店

營業中

休息中

成日見到呢間雞湯米線大排長龍，決定同朋友試試佢😂我地叫咗兩款米線同啲小食，整體只好普通，冇咩驚喜。❣️椰子雞米線❣️姬松茸竹笙花膠雞米線兩款米線既湯實在太淡！特別係椰子雞，只係得淡淡椰子味，雞味都欠奉。松茸雞湯相對濃少少，但湯底都係唔及格，令人失望。雞肉就幾唔錯，肉質嫩滑得黎唔會好鬆散，而且肥瘦適中，又有雞香味。但個人覺得雞湯米線係湯底更重要，呢方面真係爭啲。❣️麻藥蛋❣️金磚豆腐麻藥雞蛋話平唔平，都成十四蚊粒。食呢啲蛋梗係想食流心蛋黃，但一上檯就見到熟得滯，當堂失望咗🥲金磚豆腐係好食既，豆腐嫩滑熱辣辣，炸皮酥脆。總結：食物質素好普通，可能係期望太高，真係幾令人失望，店員態度亦麻麻。唔值得為呢間鋪頭再排隊，經過諗住食簡單快餐既時候先會考慮。