辣到鎮 (已結業)

睇到新假期的介紹, 專程去觀塘廣場試試。店在商場內, 難搵, 除非你去慣去熟。去到, 我不由分說, 就選最辣的「辣到震雲南米線」、「麻辣皮蛋」和「泰北特辣小米椒醃生豬肉」。老實講, 三樣都不算好辣, 尤其是那個生豬肉, 酸味為主, 味道有點似泰式鳳爪。辣到震米線, 餸就夠晒多, 亦有顯著的「麻」, 但由於湯不夠熱, 令到啲餸亦好似不夠熱, 辣度同時亦下降了, 好在浸在底部的米線, 吸了湯, 幾夠味, 不過你要接受到佢油。皮蛋就中規中矩, 不算太突出。老闆倒是十分健談的人, 坐下來詳談他由愛吃泰菜到轉吃川菜, 在甚麼地方入貨, 以及開業半個月來遇到不少嗜辣高手等, 又大談店內各種雞的做法, 好像好有心得。這是一間值得一試的小店, 也不算太擠迫, 如果你自問吃得辣, 可以指明要加辣, 老闆話樂意配合唔同客人嘅要求喎。