薯芝味 (已搬遷) 新店位置

之前經過東廣場開左好多各式各樣既食肆 今日終於抽到時間黎試下行左個圈 幾間西餐廳之中最後揀左依間餐牌上選項唔多 有個二人餐 188有齊餐湯沙律前菜主菜同飲品 所以諗都無諗就揀左二人餐上餐既時候有驚喜 餐湯沙律前菜好整齊咁放係一塊木板上面 睇落相當精緻 蒜蓉包烘得香脆 餐湯係blend出黎既南瓜湯 好濃好好飲 但份量略嫌有啲少 薯蓉好有口感 因為佢唔係將薯仔完全壓成蓉 會食到一粒粒既薯仔 而且仲有啲炭燒既味道 好特別好好味黑松露忌簾磨茹意粉意粉煮到啱啱好 唔會太腍又唔會太硬 醬汁好creamy 好好食 如果呢個汁當磨菇湯一流燒雞冬蔭公糙米飯 個飯好有驚喜 索哂冬蔭公湯既味道 個汁做得好好 係辣辣地既冬蔭公 好少食到既味道 如果佢有呢個冬蔭公餐湯 我一定會為左個湯再黎😆美中不足既地方係佢用糙米好似有少少硬 個人黎講唔係太食得慣 如果轉番用白飯就prefect荔枝椰果冰 百香椰果冰 飲品就冇咩特別 普普通通 略甜左少少 比起食物好大對比 遜色左少少總括黎講成餐飯都好有驚喜 好滿意估唔到係呢度食到咁有水準既西餐廳 而且價錢亦唔貴 又免加一 我諗會係呢個商場係幾大既競爭對手同其他餐廳