影片
更多
2016-10-20
408 瀏覽
公司前輩將會提早退休, 平時都好照顧新人, 又肯幫人, 其實好唔捨得,不過亦要尊重佢的選擇。所以放工專登約前輩食飯, 多謝前輩的教導。前輩中意中式菜, 地點又想係觀塘, 係觀塘搵酒家酒樓實在太易啦 !但係要搵一間好既都要花些時間 ! 先搵左地方近港鐵站, 再睇下佢地的食評, 見到玉桃軒評價唔錯, 所以就決定呢間,訂左6:45分, 自己都早到左 ! 當時未有好多顧客, 環境好新淨, 加上無乜人又靜靜地 !侍應好快上左前茶, 特別既係唔係一般的花生, 而係, 加上係暖暖地又少少辣味 ! 好易入口 ! 而且木耳比花生更加有益啦 !前輩好快趕完工作黎左啦 ! 我地睇下餐牌先, 價錢都比想像中便宜呀 !最後揀左3個小菜 :鎮江醋排骨煲 $83乾蒜粉絲海蝦煲 $108金銀蒜蝦乾蒸茄子 $78其實我想叫片皮鴨, 但係前輩想幫我慳荷包, 所以先無叫呀 ! 反而見到隔離枱有人ORDER,侍應仲好好咁顧客 : 片皮時要淨皮定要連肉 ?? (平時侍應真係唔會咁細心, 好可惜我地2個人食唔到啦 !!)叫左2碗白飯, 餸都好快黎齊啦 !乾蒜粉絲海蝦煲 海蝦有4大隻, 好新鮮 ! 大蝦唔會煎得老, 肉質彈牙夠爽。
不過亦要尊重佢的選擇。所以放工專登約前輩食飯, 多謝前輩的教導。
前輩中意中式菜, 地點又想係觀塘, 係觀塘搵酒家酒樓實在太易啦 !
但係要搵一間好既都要花些時間 !
先搵左地方近港鐵站, 再睇下佢地的食評, 見到玉桃軒評價唔錯, 所以就決定呢間,
訂左6:45分, 自己都早到左 ! 當時未有好多顧客, 環境好新淨, 加上無乜人又靜靜地 !
侍應好快上左前茶, 特別既係唔係一般的花生, 而係[木耳], 加上係暖暖地又少少辣味 !
好易入口 ! 而且木耳比花生更加有益啦 !前輩好快趕完工作黎左啦 ! 我地睇下餐牌先, 價錢都比想像中便宜呀 !最後揀左3個小菜 :
鎮江醋排骨煲 $83乾蒜粉絲海蝦煲 $108
金銀蒜蝦乾蒸茄子 $78
其實我想叫片皮鴨, 但係前輩想幫我慳荷包, 所以先無叫呀 ! 反而見到隔離枱有人ORDER,
侍應仲好好咁顧客 : 片皮時要淨皮定要連肉 ?? (平時侍應真係唔會咁細心, 好可惜我地2個人食唔到啦 !!)
叫左2碗白飯, 餸都好快黎齊啦 !
乾蒜粉絲海蝦煲
海蝦有4大隻, 好新鮮 ! 大蝦唔會煎得老, 肉質彈牙夠爽。連埋粉絲配搭一流, 粉絲雖然係配角, 但都要大讚, 因為粉絲做得夠乾身, 完全唔油。而且汲收晒蝦的鮮味,
就咁食都大讚 !
鎮江醋排骨煲
鎮江醋夠濃, 又唔會酸得太過, 底部用上洋蔥. 鎮江骨真係用上排骨部位 ,所以每一件都係有肉連埋骨, 咬落下連埋筋一齊食, 簡直令你停唔到口。
金銀蒜蝦乾蒸茄子
由於食左兩款味道較濃的餸, 所以食返一道較清淡的蒸茄子。欣賞蝦乾夠大隻, 食落有蝦味 !
繼續同前輩傾下講下飲下茶, 時間都差不多, 侍應竟然問我地食唔食糖水 ??? 而家係香港較高級的酒樓係唔會提供糖水, 問返侍應, 原來只限平日星期一至四先有得送呀 !!
糖水係紅荳沙, 唔會好甜, 做到紅荳起沙。而且係免費真係好窩心呀 !
食左咁多野都係3百幾蚊, 環境又寧靜, 好新淨。用黎食飯一聚真係一流。
張貼
