更多
2024-03-05
10 瀏覽
朋友星期六都要返工，我就放假，於是就約佢出黎食個飯，就返朋友近近地去觀塘，朋友話想食燒肉，於是我就諗起最近路過見到呢間叫新齋橋的餐廳，順便同朋友試一試。 坐底之後，職員話可以用手機落單，直接比埋錢，都幾方便，咁食完就可以直接走得，呢間燒肉有另一個好處，就係一個人都可以黎燒，非常方便，而且餐廳坐位都幾闊落，仲可以拎個藍黎擺袋。 我地一人點左一個餐，唔夠食仲可以追加，不過對於我黎講份量就啱啱好： 極上牛小排，五花腩肉，雞腿肉＋牛舌芯(各50克)($148)因為我諗唔到食咩好,樣樣都想試,於是就點左呢個餐有齊哂豬牛雞，仲有牛舌芯送添，有驚喜。餐會有埋汽水，飯，沙律，味噌湯。沙律好清新，配上芝麻醬好開胃。肉類肥瘦均勻，都幾juicy，我最鍾意係雞肉，先燒雞皮個面，之後燒肉，肉質嫰滑之餘雞皮又香。味噌湯唔會過咸，調味啱啱好。 我都冇留意原來套餐有甜品，係雪米糍，到食完的時候職員會主動送上，都幾細心，雪米糍個皮煙煙韌韌幾好味。 調味料都幾多選擇，有鹽，醬汁，蒜味醬汁，黑椒等等，可以試哂唔同口味，我最鍾意就係蒜味醬汁。 另外都點左特上美國西冷扒餐(150克)($148)同朋友share黎食都幾大塊，
坐底之後，職員話可以用手機落單，直接比埋錢，都幾方便，咁食完就可以直接走得，呢間燒肉有另一個好處，就係一個人都可以黎燒，非常方便，而且餐廳坐位都幾闊落，仲可以拎個藍黎擺袋。
我地一人點左一個餐，唔夠食仲可以追加，不過對於我黎講份量就啱啱好：
極上牛小排，五花腩肉，雞腿肉＋牛舌芯(各50克)($148)
因為我諗唔到食咩好,樣樣都想試,於是就點左呢個餐有齊哂豬牛雞，仲有牛舌芯送添，有驚喜。餐會有埋汽水，飯，沙律，味噌湯。
沙律好清新，配上芝麻醬好開胃。
肉類肥瘦均勻，都幾juicy，我最鍾意係雞肉，先燒雞皮個面，之後燒肉，肉質嫰滑之餘雞皮又香。
味噌湯唔會過咸，調味啱啱好。
我都冇留意原來套餐有甜品，係雪米糍，到食完的時候職員會主動送上，都幾細心，雪米糍個皮煙煙韌韌幾好味。
調味料都幾多選擇，有鹽，醬汁，蒜味醬汁，黑椒等等，可以試哂唔同口味，我最鍾意就係蒜味醬汁。
另外都點左特上美國西冷扒餐(150克)($148)同朋友share黎食
都幾大塊，厚度適中,唔會太薄之餘又易燒，有一定的口感又唔會韌，可以燒到自己鍾意的熟度，牛肉肉味重，脂肪位幾香。
張貼
