巴巴串

營業中

休息中

今晚同4個小學同學去到呢間位於觀塘嘅巴巴串，店內裝修好光猛整潔，空間感好環境好舒適。仲要好岩我地幾個八婆仔圍住密密傾~講都無人信，呢份泰式燒雞係送架!!! 肉質肥美，油脂豐富。燒雞可以燶啲，逼出油份，讓肉表面達至黃金色，非常香口，一流！你睇下呢條黑椒腸又粗又大，黑椒味少少辣，個皮似芝士腸咁脆身，好好食，肉味超濃而且咬開有肉汁💕！ 蕃茄仔+牛柳粒油花分布均勻，你地試過港式串燒啲蕃茄🍅仔加牛柳粒🥩未呀？嗰種鮮甜多汁嘅蕃茄仔同埋嫩滑香口嘅牛柳粒真係絕配呀！😋一啖咬落去，蕃茄仔啲汁液喺口裡爆開，伴隨住啲牛柳粒嘅細緻肉質👅，令人嘅味蕾瞬間提升到一個新嘅高度🔝！串燒上面嗰層燒得啱啱好嘅醬汁，有啲甜，又有少少鹹，完美咁襯托出嗰兩種食材嘅風味👌。加埋啲炭香🔥，簡直係人間美味😍！無論你係咪燒烤愛好者，都應該一試！真係一次過滿足到視覺、嗅覺同味覺嘅享受😎，令人忍唔住想再嚟多次！🍢🙌豬腩肉外皮香脆，肉質彈牙，味道上煙熏味重💗店員同我哋講，如果下次我哋有多啲印尼食，仲會送海鮮拼盤㖭啊，所以我哋即是book定下個月頭再嚟食過🌞