京饌 (已改名) 查看

同老公去APM行街，諗住食埋晚飯先回家，就隨意在APM搵地方落腳，原來APM有上海菜食咪試下囉！呢間餐廳入面都算大，而且坐得舒服，枱與枱之間唔會好迫，環境好有上海懷舊風味，叫了幾款餸，因為唔係好大碟，每碟份量唔係好多，一定食得曬！首先，普洱茶，只有茶色，無茶味。蟹粉海鮮石鍋飯因為石鍋嘅關係，上枱都仲好熱，味道都算幾濃郁，好似蟹粉撈飯咁，不過唔會好膩，個飯偏濕，口感爭少少，食到底就有小小偏油。鎮江排骨望落好深色，聞落好重醋味，細細粒，食到好多碎骨，咁既size我唔覺得好食囉！總結：食物質數唔可以講難食, 但唔係好食。餐廳裝潢比較優雅，坐得舒服，雖然價錢偏貴，間唔中可以一試。