影片
更多
2024-05-19
37 瀏覽
{有得食有得玩- $255/人頭}有時一家大細在香港每個星期六日都係煩惱，難得發現呢個地方有得食有得玩，坐得舒服，環境又好！大人可以睇多種運動的電視轉播，小朋友可以玩遊戲，又有篤波又有足球機，當然，嘢食仲好正！咁玩玩下，幾個鐘就咁消磨咗！♦️ Buttermilk Chicken Salad烤雞、溫泉蛋、羅馬生菜、牛油果組合嘅沙律，用料豐富大大碟仲要好好味！♦️ Maple Bacon Cheese Burger唔單只係好味嘅安格斯牛肉漢堡，令人驚喜嘅係佢地用楓葉漿烤嘅煙用，脆脆嘅口感加埋蜜糖嘅焦香，令漢堡多一個好味嘅層次！♦️ Pancetta Carbonara平時本麻甩都唔算好喜歡Carbonara 隻味，不過呢度做得出色嘅係落左好多Parmesan 芝士，令佢帶着濃濃嘅芝士味，反而正合我心意。♦️ Pulled Pork Lasagna呢個係全餐嘅頂峰，成日有機會食到千層麵，不過多數都係用肉醬，呢度係用慢煮手撕豬肉同埋酸椰菜製作嘅夾層，特別嘅味道配合煮得好好嘅千層麵，真係令我回味無窮。♦️ Burrata Chorizo餐廳嘅招牌Pizza，上面有西班牙香腸、蕃茄、火
有時一家大細在香港每個星期六日都係煩惱，難得發現呢個地方有得食有得玩，坐得舒服，環境又好！大人可以睇多種運動的電視轉播，小朋友可以玩遊戲，又有篤波又有足球機，當然，嘢食仲好正！咁玩玩下，幾個鐘就咁消磨咗！
♦️ Buttermilk Chicken Salad
烤雞、溫泉蛋、羅馬生菜、牛油果組合嘅沙律，用料豐富大大碟仲要好好味！
♦️ Maple Bacon Cheese Burger
唔單只係好味嘅安格斯牛肉漢堡，令人驚喜嘅係佢地用楓葉漿烤嘅煙用，脆脆嘅口感加埋蜜糖嘅焦香，令漢堡多一個好味嘅層次！
♦️ Pancetta Carbonara
平時本麻甩都唔算好喜歡Carbonara 隻味，不過呢度做得出色嘅係落左好多Parmesan 芝士，令佢帶着濃濃嘅芝士味，反而正合我心意。
♦️ Pulled Pork Lasagna
呢個係全餐嘅頂峰，成日有機會食到千層麵，不過多數都係用肉醬，呢度係用慢煮手撕豬肉同埋酸椰菜製作嘅夾層，特別嘅味道配合煮得好好嘅千層麵，真係令我回味無窮。
♦️ Burrata Chorizo
餐廳嘅招牌Pizza，上面有西班牙香腸、蕃茄、火箭菜、燈籠椒，仲唔少得Burrata芝士，烤起上嚟特別惹味，係一個出色嘅Pizza!
♦️ Ice Cream Parfait
完美嘅午餐，梗係要有一個美味嘅甜品作結啦，呢個有三球美味嘅雪糕甜品，食完飽飽再去行西貢市中心！
美味程度：😋😋😋😋😋
環境指數：🎇🎇🎇🎇🎇
番食機會：🦍🦍🦍🦍🦍
📍 #MSquare (西貢)
西貢惠民路28號洲至奢選香港WM酒店地下低層A1號舖
張貼
