世興海鮮酒家 (已結業)

諗住入西貢行下食海鮮，於洪記，全記，同世興考慮中。世興個阿姐好落力咁推介我地試下，又話比九折…坐低後發覺中伏了… 人客少，龍蝦伊麵又話可以免費轉芝士，但坐低後職員話芝士要加$20 頂呀！完全唔係果回事!坐低前問佢加個炒蜆或者炒聖子例牌要幾十蚊，坐低後話要$128…梗係唔叫啦！算!見老婆大人想食，就幫襯你一次!灼蝦，差過自己喺街市買，份量又少。炒菜又無得揀要咩菜…蒸魚同蒸扇貝又老又鞋…過晒火!! 到埋單，真係無九折!!呢間野中伏一次就夠!永不幫襯!