影片
更多
2012-10-08
35 瀏覽
睇雜誌及食評都大讚呢間法國菜，今日終於有機會一試。有四個人，可以試多啲菜。頭盤點了︰麵包(免費)︰係即焗，外脆內軟，食到一個不留。田雞腿︰田雞腿好味，但冇驚喜。墊底的薯蓉就好好味，又滑又香！豬耳沙律︰因為冇豬頭肉先點咗呢道菜。豬耳爽脆，配蘭度豆酸酸地幾開胃。大盤︰鱈魚柳($220)︰似係蒸多過煎，鱈魚嫌唔夠滑，不過唔關廚師事。烤全雞伴雜菜($498)︰呢個係當晚推介，餐牌上冇嘅。真係幾好味，雞皮烤得香脆，吸收咗雜菜的香味，雞肉夠嫰，雜菜亦吸收咗雞的味，同枱個個都讚好，雖然貴咗啲，但係值！兔腿($220)︰兔肉食落似雞，但有一股野味味道。因同枱有人未食過兔肉，所以點來試下。呢道菜一般。甜品︰蘋果批加雪糕球︰普通。Earl Grey Creme Brulee︰茶味好香，值得一試。叫咗一枝普通的House Red，$300，估唔到都幾好飲！環境舒適，服務殷勤。如果去五星級酒店食同樣水準菜式，價錢起碼雙倍，所以呢度幾抵食。尤其係個Lunch Menu。
有四個人，可以試多啲菜。
頭盤點了︰
麵包(免費)︰係即焗，外脆內軟，食到一個不留。
田雞腿︰田雞腿好味，但冇驚喜。墊底的薯蓉就好好味，又滑又香！
豬耳沙律︰因為冇豬頭肉先點咗呢道菜。豬耳爽脆，配蘭度豆酸酸地幾開胃。
大盤︰
鱈魚柳($220)︰似係蒸多過煎，鱈魚嫌唔夠滑，不過唔關廚師事。
烤全雞伴雜菜($498)︰呢個係當晚推介，餐牌上冇嘅。真係幾好味，雞皮烤得香脆，吸收咗雜菜的香味，雞肉夠嫰，雜菜亦吸收咗雞的味，同枱個個都讚好，雖然貴咗啲，但係值！
兔腿($220)︰兔肉食落似雞，但有一股野味味道。因同枱有人未食過兔肉，所以點來試下。呢道菜一般。
甜品︰
蘋果批加雪糕球︰普通。
Earl Grey Creme Brulee︰茶味好香，值得一試。
叫咗一枝普通的House Red，$300，估唔到都幾好飲！
環境舒適，服務殷勤。如果去五星級酒店食同樣水準菜式，價錢起碼雙倍，所以呢度幾抵食。尤其係個Lunch Menu。
張貼