食晒 (已結業)

好耐冇來西環，真係變左好多，以前係好local的地方，而家竟然變左好似soho咁，有好多鬼出沒。呢日我地來左呢間野度慶生，佢對住個有青馬大橋景的海，呢ｄ先叫心曠神怡。我地叫左一個凱撒雞沙律，一個橄欖鯷魚+吞拿魚細pizza，一個火腿白pizza，同一個蕃茄意粉。個凱撒雞沙律配自製沙律汁，都幾清新。兩個pizza都好薄好脆，但ｄ橄欖鯷魚太鹹，好彩叫左一半。個白pizza其實係白汁底，整得好香好好味，個意粉又俾你落好多芝士，正。呢度環境同個view一流，但ｄ枱櫈好鬼高，兼且係只包一杯水飲，逼你叫野飲。ｄwaiters好nice好有心機咁介紹野食，個老細又成日撩人講野，叫我地深入虎穴搵男人喎，又話自己唔結婚，勁搞笑！最後仲屈到佢請主角食tiramisu，睇其他食評先知佢係法國人，但佢ｄ口音一ｄ都唔法喎！