阿元來了 (已搬遷) 新店位置

原先到西環想食煲仔飯，點知多人到癲，結果即刻轉移陣地，見網上評語不錯既“阿元來了”都好了得，加上都喺附近，所以去試下食。離遠已經見到有人龍，好彩只係等左大約15分鐘。為左節省時間，喺排隊期間，店員俾左食物紙我地，揀選食物。我同友人揀左魯肉飯同雞絲飯，小食要鹽酥雞同花枝丸。初初見咁細碗飯，有啲擔心，點知食食下都覺得飽。魯肉飯真係好有台灣既風味，同香港其他台灣食店既好唔同。魯肉汁夠濃味，雖然魯肉有啲肥，但咁樣先正宗。一碗飯只係＄28，相當超值！