意八餐廳 (已結業)

早前見食評盛讚這間新店，膽粗粗和朋友來試試。晚上六時去到，要大排長龍，等了 15 分鐘終於有位坐了。 Waiter 一領我們到座位... 救命！個二人卡位真係窄到無得再窄，做生意真係計到盡，一分一吋的位都幫你計到足... 窄到可以同隔離 say hi and bye... 點了兩個餐：法式紅酒香茅燴牛助條 （$36)名就非常好聽，誰知一上枱，竟然係一碟貌似 "茄膏煮牛肉" 的物體...用來盛牛助條的盤，比我去茶餐廳吃湯的盤還要細得多...　而且只有四成滿，少得離奇！牛助條非常之油... 吃不出牛助條，只像一舊牛肉，很 "蘇"，很難以入口，吃到一半已經吃不下去了... 海鮮龍蝦汁意大利飯 $33賣相 OK，但中伏是吃起來淡而無味...不知所謂，朋友吃了幾啖已經沒有再吃下去...叫了特飲更把中伏程度昇華了... 特飲似藥水味...感覺很難受。 　平是平，但如果是這個質素，寧願去茶餐廳，也一定比這裏更好吃得多，坐得舒服得多。