居食屋「和民」 (已結業)

下午一點左右黎到拎位，企左一陣先有人派飛俾我等左十五分鐘入座，好快就點左野食~我叫左個石鍋牛肉飯，我媽就叫左海鮮焗飯~跟餐沙律好快就送到，而焗飯五分鐘亦送到~焗飯已經食到一半，飲品都未送到，於是叫人加茶，應左我地，（但到我地食飽都係無人加，和民全線都唔主動幫人客加茶）飲品係叫餐既二十分鐘終於送到，熱奶茶及熱檸茶味道淡如水石鍋牛肉飯係叫餐既半小時送到，媽媽既焗飯都食得一乾二淨喇！埋單時，用和民信用卡，我已經諗住俾埋張卡侍應，一次過折左先拎俾我簽，但係個侍應無接到，反而係就咁走左去，再拎張未折既單俾我，佢之後先醒覺話張單未折，叫我俾番佢折番，再拎番黎俾我簽。我諗之後都唔會再黎葵芳和民==食物方面：海鮮焗飯:入面有帆立貝仔，魷魚及蝦仔，份量較少，魷魚唔熱，連暖亦都講唔上石銅牛肉飯:味道還可以，還付送泡菜，因應個人喜好添加，但付出半小時才有得食==熱奶茶：真係好過份，淡到好似飲緊一杯怪味水熱檸茶：同樣淡，得兩片檸檬