Cafe 52 (已結業)

之前同同事一齊去食過一次，印象中白汁意粉非常好味，今次趁放假又去開新界，帶埋老公同仔仔過來食多次。因為仔仔唔識食辣，我地只可以響餐單上面選完全唔辣的2款意粉，亦都係最普通的肉醬意粉同白汁意粉，2款意粉都做得好好，2個意粉都做得好好，肉醬唔會酸，白汁唔會太結，每條意粉都有汁，唔會結成一舊舊，仔仔都識話好好味。另外一讚服務員好NICE，佢地見我抱住仔仔，本來應該要出去櫃位買野，佢幫我做埋呢個動作，仲主動比多一隻小朋友碗同餐具我地。成間鋪頭設計好舒服好光猛，好似可以坐響度HEA下傾計的CAFE。整體感覺非常好，而最重要係，咁的食物同服務都係60蚊左右一個SET包埋野飲，好抵！不過泊車有少少唔方便，因為鋪頭大廈冇位，我地去隔離工業大廈都等左好一陣先有位泊車。