影片
更多
2024-03-02
10 瀏覽
《肯尼海鮮》同FD聚下梗係唔少得要搵得野食下，次次都薯片都好dry，今次都揀左幾款兩款涼拌小食同甜品，都幾好食。而且佢呢排都好似有優惠，我揀嘅5款入面有3款都有平到。麻辣花膠 HKD$113/約400g呢個辣度冇麻辣牛舌咁辣，畢竟花膠個面都係滑身，但估計浸得耐，所以都好入味，唔會出現花膠還花膠，麻辣汁還麻辣汁嘅味道。另外，花膠食落好腍同時食到D膠質，覺得發花膠嘅過程都做得唔錯。好Surprised D花膠係大塊，夾起黎食嘅時候係勁開心！麻辣牛舌 HKD$155/約500g大大份牛舌，入面嘅份量比我想像嘅多，一開頭有D難夾，因為佢真係將D牛舌盡塞哂入個樽度，完全唔孤寒。食落去，辣得黎又幾過癮，而且牛舌都好腍，咬落去D汁液返出黎，就知道D汁完全被吸收牛舌吸收哂，好好味！即刻覺得要加返碗飯。日本3.6蜂蜜桃膠奶凍 HKD$44桃膠可謂平民燕窩，低卡得黎又可以美顏。特別之處在於桃膠上面加左蜂蜜，有種驚喜嘅感覺，fresh 得黎又唔會蓋過奶凍嘅奶香味道。日本北海道3.6牛乳麻薯(紫薯味) HKD$44平時食嘅麻糬會覺得麻糬本身冇咩味，甜甜地嘅紫薯粉加埋彈牙嘅麻糬同埋吉士醬，整體偏甜，但又唔會過甜
同FD聚下梗係唔少得要搵得野食下，次次都薯片都好dry，今次都揀左幾款兩款涼拌小食同甜品，都幾好食。而且佢呢排都好似有優惠，我揀嘅5款入面有3款都有平到。
麻辣花膠 HKD$113/約400g
呢個辣度冇麻辣牛舌咁辣，畢竟花膠個面都係滑身，但估計浸得耐，所以都好入味，唔會出現花膠還花膠，麻辣汁還麻辣汁嘅味道。另外，花膠食落好腍同時食到D膠質，覺得發花膠嘅過程都做得唔錯。好Surprised D花膠係大塊，夾起黎食嘅時候係勁開心！
麻辣牛舌 HKD$155/約500g
大大份牛舌，入面嘅份量比我想像嘅多，一開頭有D難夾，因為佢真係將D牛舌盡塞哂入個樽度，完全唔孤寒。食落去，辣得黎又幾過癮，而且牛舌都好腍，咬落去D汁液返出黎，就知道D汁完全被吸收牛舌吸收哂，好好味！即刻覺得要加返碗飯。
日本3.6蜂蜜桃膠奶凍 HKD$44
桃膠可謂平民燕窩，低卡得黎又可以美顏。特別之處在於桃膠上面加左蜂蜜，有種驚喜嘅感覺，fresh 得黎又唔會蓋過奶凍嘅奶香味道。
日本北海道3.6牛乳麻薯(紫薯味) HKD$44
平時食嘅麻糬會覺得麻糬本身冇咩味，甜甜地嘅紫薯粉加埋彈牙嘅麻糬同埋吉士醬，整體偏甜，但又唔會過甜嘅程度。鐘意甜食同紫薯嘅朋友仔就好鐘意食啦！
日本北海道3.6牛乳麻薯麻薯(朱古力味) HKD$44
呢個麻糬外層係加左黑朱古力粉，令到整體唔會過甜，加埋日本北海道3.6牛乳味嘅麻糬，入面甜甜地，又有牛奶味，配埋吉士醬同餅碎，食落感覺好有層次。兩款麻糬黎講，我比較鐘意呢款。
兩樣麻辣小食都好入味，而且都大大份，完全唔會hea，用黎送飯簡直一流！有日本北海道3.6牛乳製成嘅甜品，牛奶味都好出，有少少驚喜。
張貼
