影片
更多
2018-01-08
510 瀏覽
今朝一早比個麵包呀姐激到一肚氣，原先想寫信去佢公司投訢，但係搵唔到佢公司網址。已經好耐冇上嚟openrice寫食評，多得名島依位麵包呀姐，真係新年好快樂。我原先係依間店既長期顧客，最愛佢既芝麻豬仔包。已經係買到都知道芝麻包起店內既所在位置。個包真心係平靚正好味，清淡口味，帶有香口芝麻，係輕盈最佳之選。
已經好耐冇上嚟openrice寫食評，多得名島依位麵包呀姐，真係新年好快樂。
我原先係依間店既長期顧客，最愛佢既芝麻豬仔包。已經係買到都知道芝麻包起店內既所在位置。
個包真心係平靚正好味，清淡口味，帶有香口芝麻，係輕盈最佳之選。
題外話/補充資料：
返工趕時間既時候，好多時都會準備好散銀，起門口拎個夾就夾個包去入袋，然後同收銀交收就走。
話說櫃枱有2個呀姐，1個收銀企起入面，另1個幫人入袋企近門口出面。
今日企近門口個呀姐幫我個包入完袋就放低起枱面，可能佢係等緊我走，急住想幫下一位，
但我當時係仲未比錢，點走？因為個收銀仲起到收緊上幾手既錢，說實話，我都係趕時間，唔該比D禮貌同專重。
點知嗰位呀姐，問都唔問，一手搶走我手上個夾 ，心諗... 乜事呀！？
點會有個出嚟做嘢既成年人可以咁冇禮貌，咁唔識專重人？
見佢咁既態度，我一早準備好既錢，都即刻放低起枱，冇等收銀確認我就離開。
點知返到公司發現，依位極品呀姐居然可以拎人哋用過既袋，嚟裝放食物比其他客人。
我明明係買芝麻豬仔包，但個袋入面會係有D奶油同波羅包皮碎起度囉。
真係好激氣好嬲。我決定以後都唔會再幫襯。
(以上食評乃用戶個人意見 , 並不代表OpenRice之觀點。)
張貼