FAB Kitchen (已結業)

法國珍珠豪周打魚湯 $68⭐️⭐️⭐️⭐️湯底Creamy香濃得來又唔會漏，仲有兩隻大蠔十分鮮甜！烤紐西蘭草飼鹿柳 $278⭐️⭐️⭐️⭐️香港比較少有，火候控制剛好，肉質較為厚實，唔會太肥膩，啱晒注重健康嘅健身人士。值得一提嘅係，側邊配菜都好有誠意，大碟靚之餘，睇得又食得！法式脆皮烤鴨胸 $258⭐️⭐️⭐️⭐️外皮烤至香脆，好香口，又有脂香，肉鮮嫩，唔肥膩！配搭上藍莓香草醬，更加開胃！配菜烤薯夠香脆，點埋秘製醬醋仲好味～椰菜亦都好爽口。英式香蕉太妃批 $78⭐️⭐️⭐️⭐️⭐️Creamy 幼滑，曲奇批底夠扎實，整體香蕉配上忌廉焦糖味道平衡得啱啱好，唔會死甜～我鍾意！食完都唔會好膩濟！Parma Ham Focaccia $168⭐️⭐️⭐️⭐️Parma Ham份量多，有鹹香，建議三四個人先好叫，因為個包都好大個，個作為麵包控嚟講，麵包口感相對比較腍身，冇乜咬口。台灣苦瓜沙律 $128⭐️⭐️⭐️呢個配搭都幾特別，但係味道唔算話太驚艷，普普通通，正常發揮。