影片
更多
2022-02-03
633 瀏覽
果日去D2 Place見到有賣公仔包嘅點心店就入咗去試食。餐廳裝修走懷舊風，符合個名回憶昔日荔園情懷。點心價錢親民，叫個點心拼盤有8件，價錢只係$108，原本無留意係點心摩天輪，但上架就好驚喜，「做作」嘅擺盤真係好適合打卡。點心摩天輪首先好吸睛，因為側面上扶手電梯嘅人都會眼甘甘望住，而且味道比想像中好，因為咁打卡通常味道就冇乜期望，入面有老虎仔流沙包、烏龜菠蘿包、兔仔鹹水角同鬆糕？（因為個樣好似蛋散，一開始以為係）老虎仔流沙包熱辣辣，真流心，小心熱。烏龜菠蘿包原來係菠蘿叉燒包，咬落塊脆口鬆化，味道唔錯。兔仔鹹水角就係咩特別啦，都係鹹水角咁嘅味。至於件鬆糕都係味道一般，係食完咁多件已經幾飽。另外叫咗鮮蝦趣意腸（HK$36），腸粉包住炸蝦，個皮有啲似天婦羅。呢個紫薯波波球（HK$36）真係必點，層次好豐富。首先個波波上面啲脆脆係真係好脆，紫薯皮再包住流心奶黃餡，無諗過咁好食。係就算放低一陣先食（兩個人食前面果啲已經好飽）都係咁脆口。最後，睇到前面話發生嘅衛生問題我就好好彩冇經歷到啦🤣而且啲侍應會聊下小朋友同媽媽傾計咁？好似服務態度都唔錯呀。可以試食，玄米茶都好飲，茶位只係HK$4位。
點心摩天輪首先好吸睛，因為側面上扶手電梯嘅人都會眼甘甘望住，而且味道比想像中好，因為咁打卡通常味道就冇乜期望，入面有老虎仔流沙包、烏龜菠蘿包、兔仔鹹水角同鬆糕？（因為個樣好似蛋散，一開始以為係）
老虎仔流沙包熱辣辣，真流心，小心熱。
烏龜菠蘿包原來係菠蘿叉燒包，咬落塊脆口鬆化，味道唔錯。
兔仔鹹水角就係咩特別啦，都係鹹水角咁嘅味。至於件鬆糕都係味道一般，係食完咁多件已經幾飽。
另外叫咗鮮蝦趣意腸（HK$36），腸粉包住炸蝦，個皮有啲似天婦羅。
呢個紫薯波波球（HK$36）真係必點，層次好豐富。首先個波波上面啲脆脆係真係好脆，紫薯皮再包住流心奶黃餡，無諗過咁好食。係就算放低一陣先食（兩個人食前面果啲已經好飽）都係咁脆口。
最後，睇到前面話發生嘅衛生問題我就好好彩冇經歷到啦🤣而且啲侍應會聊下小朋友同媽媽傾計咁？好似服務態度都唔錯呀。可以試食，玄米茶都好飲，茶位只係HK$4位。
張貼
