更多
2021-02-06
25 瀏覽
從網上得知Burger Joys響荃灣開左新副店, 放工特別過黎支持下.鋪頭響正享和街中間, 紅色既門面一眼就見到, 小店主要做外賣, 所以無坐位.選擇唔算好多, 共三款漢堡, 都係手打牛堡, 可以單買或者套餐.要個中價既芝士牛肉漢堡, 配薯條汽水.即整既牛堡充滿熱力, 芝士溶化響牛肉上面, 入晒味.手打牛肉肉質軟嫩, 唔韌, 有牛味, 而且充滿肉汁, 除左芝士之外, 仲有蕃茄, 生菜, 配上酸酸甜甜既醬汁, 夾埋一齊無飽濟感.個包焗過夠軟熟, 一啖入口好滿足.即炸幼薯條, 份量十足.
張貼