Honbo (已結業)

貴為全球最佳burger，亞洲top 50 burger，全港最佳burger，Honbo果然有番咁上下水準。 當晚7點去到荃灣分店，全店大約有20個位。可能係平日夜晚，去到一個客都冇，心諗唔通中伏。不過我等餐期間，已經有8成入座。我叫左個cheese burger combo，1個cheese burger + cheese fries (加芝士加$20)，跟一罐汽水。Total $148。Cheese burger 係包、醬、酸青瓜、芝士、漢堡牛、生菜、醬、包。個包好鬆軟，漢堡牛重牛味有咬口，唔係機攪果啲免治牛。雖然係classic嘅漢堡，但係一淡咬落去口感好豐富好滿足。Cheese fries 我覺得好食程度同burger係五五波。幼薯條夠脆口，加上大量熱溶芝士，每食一條都好滿足。我覺得加$20都值得。雖然我唔敢話佢係最好食嘅burger，整體黎講burger同其他小食都係水準之作，不負最佳burger 之名。