鼎家喜筷 (已結業)

放假出去發掘下有咩新店見到呢間試業鼎家喜筷，就黎會一會先。店內出名燒鵝，咁就要試喇。＊招牌柑橘燒鵝瀨＊唔用甜酸醬改用柑橘醬點燒鵝，果然有新鮮感，鵝皮脆，肉又唔會燒都死實，湯底有大地魚加胡椒香味，瀨粉煙韌好有驚喜＊原隻生炸雞脾沙律＊原隻生炸雞脾皮脆肉嫩，沙律中加入沙葛清新，唔錯。＊豉油雞脾薯條＊帶有淡淡八角味既豉油雞脾，而薯條帶有清清既松露鹽味。