影片
更多
2023-06-07
1290 瀏覽
話說上星期表姐們同表姐夫約食飯，建議去荃灣出名既三坡坊食大牌檔。求之不得添啦！因為一直都知嗰度有好多正野食。約左喺一間裝潢幾靚既大排檔，有別於傳統坐街邊既。宜家天氣熱，又成日落雨，所以有得坐室內絕對係喜出望外！室內裝潢唔錯，幾有特色，寫曬菜名既牌掛曬喺牆。同埋原來有兩層，一大班人黎都夠位。有位好熱情的伙記招呼我同家姐入去。表姐同表姐夫發板。前菜黎左一碟生腸魷魚雞腎。都幾好食，夠彈牙，汁都夠味。叫左碟臭豆腐，細細件，一口一啖。唔記得影相，不過味道還好。呢度係有新鮮既海鮮食既，聽嗰位熱情既伙記（原來佢係經理，叫DEE哥）講要預先講定佢地會留貨。佢今次幫我地預留左蟶子皇、鮑魚同埋蟹。我心諗：今次有口福了哈哈哈！蒜蓉粉絲蒸蟶子皇實唔會伏既煮法。碟餸一上枱就已經聞到好香既蒜蓉味。不愧係蟶子皇，一望就知啲蟶子夠曬大隻！食落彈牙，將蒜蓉連同入曬味粉絲一齊食真係好滿足。陳皮蒸鮑魚本人一向麻麻地好蒸鮑魚，因為我總係覺得蒸既鮑魚冇味，唔係咁好食，好似食緊嚿冇味但有𡁻頭既東西。但今次呢碟蒸鮑魚有驚喜！首先嚿鮑魚好入味，啲汁沁到入去，所以𡁻緊都有味。其次個汁先係重點，令到嚿鮑魚提鮮左！海鮮一浪接一浪，之後送上
約左喺一間裝潢幾靚既大排檔，有別於傳統坐街邊既。宜家天氣熱，又成日落雨，所以有得坐室內絕對係喜出望外！
室內裝潢唔錯，幾有特色，寫曬菜名既牌掛曬喺牆。同埋原來有兩層，一大班人黎都夠位。
有位好熱情的伙記招呼我同家姐入去。表姐同表姐夫發板。前菜黎左一碟生腸魷魚雞腎。都幾好食，夠彈牙，汁都夠味。
魷魚生腸雞腎
68 瀏覽
0 讚好
0 留言
叫左碟臭豆腐，細細件，一口一啖。唔記得影相，不過味道還好。
呢度係有新鮮既海鮮食既，聽嗰位熱情既伙記（原來佢係經理，叫DEE哥）講要預先講定佢地會留貨。佢今次幫我地預留左蟶子皇、鮑魚同埋蟹。我心諗：今次有口福了哈哈哈！
蒜蓉粉絲蒸蟶子皇
蒜蓉蒸蟶子王
47 瀏覽
1 讚好
0 留言
實唔會伏既煮法。碟餸一上枱就已經聞到好香既蒜蓉味。不愧係蟶子皇，一望就知啲蟶子夠曬大隻！食落彈牙，將蒜蓉連同入曬味粉絲一齊食真係好滿足。
陳皮蒸鮑魚
陳皮蒸鮑魚
47 瀏覽
1 讚好
0 留言
本人一向麻麻地好蒸鮑魚，因為我總係覺得蒸既鮑魚冇味，唔係咁好食，好似食緊嚿冇味但有𡁻頭既東西。但今次呢碟蒸鮑魚有驚喜！首先嚿鮑魚好入味，啲汁沁到入去，所以𡁻緊都有味。其次個汁先係重點，令到嚿鮑魚提鮮左！
海鮮一浪接一浪，之後送上避風塘炒大蟹。
避風塘炒蟹
43 瀏覽
0 讚好
0 留言
我地五個人食兩隻大既，夠曬數。我本身都唔食得辣，但係呢個蟹真係炒得好香。連我同唔食得辣既表姐都食到舔舔脷！蟹腳啲肉又多又彈牙，味道夠惹味，連啲䓤都炒得好好食。
啫啫通菜煲
通菜啫啫煲
19 瀏覽
0 讚好
0 留言
通菜夠新鮮好翠綠，炒得一啲都唔老，恰到好處所以食唔到菜渣。蝦乾大大隻，重要一啲都唔似平時食嗰啲咁乾，食落係有肉架！肉碎更加唔曬講，炒得好食，再加埋啲魷魚仔，一個字：
鳳梨炒黑豚肉
鳳梨黑豚肉
25 瀏覽
0 讚好
0 留言
即係咕嚕肉，不過用黑豚肉整。咕嚕肉炸得剛剛好，有肉汁，唔會過火太乾。甜酸汁味道都剛剛好，唔會偏甜或酸。配菜洋蔥同菠蘿都好好味。
食到呢度再加上飲左啲酒同梳打水（係泰國象牌黎架）其實都好飽，點知重有一碟鼓油皇炒麪！
豉油王炒麵
28 瀏覽
0 讚好
0 留言
開頭夾少少諗住試下，但係一食就愛上！佢地係用生麪炒，完全冇梘水味，而且好彈口。鼓油應該係廚房特製嘅，有少少甜味，令到成碟炒麪升左LV！有別於一般既炒麪，呢度用魷魚仔做伴菜，令碟麪更有口感。不得不讚既係側邊既芽菜同䓤同炒得好出色，芽菜冇草青味。全部食材連同啲麪一啖擺入口，真係令到原本已經好飽既我食唔停口。
呢度既豬油撈飯都出名架，唯有下次再試。
呢餐係表姐夫請客（多謝曬）所以我唔知幾錢。不過我諗價錢雖然應該唔平，但我真心覺得物超所值。因為呢度既每一碟小菜都畀我感覺師傅係用心烹調，而且用料上乘。從細微末節可以睇得出廚師同老闆既心思係想炮製真正美味既佳餚畀食客，所以我都特登想打篇長既食評去讚揚同介招呢間值得推介既大排檔！
下次一定會再同一大班朋友黎試埋其他未食過既小菜！
張貼
