芝味鳥

營業中

休息中

 今日專程同兩個朋友去試下，餐後大家決定唔會再嚟！1. 服務態度欠佳，我朋友企係收銀叫職員落單等十五分鐘，個一位服務員慢慢從廚房行出嚟落單。問攞餐具個兩位服務員完全冇反應，在場其中一位客人同我地講出去自己攞。枱面已經放兩個意粉一個飯，三個湯碗，個Pizza嚟到根本冇位放，個位服務員又唔幫我地收起三個湯碗，只係識企隔離等個客人自己攞開枱面啲嘢，之後係黑面放個Pizza行開。2. 食物質素欠佳，餐湯係栗米忌廉湯(濃濃生粉味)，個Pizza有芝士、火腿、菠蘿(不過加咗啲油益味)，白汁海鮮螺絲意粉白汁完全冇味，肉醬意粉一般，白汁蘑菇飯好重草青味，上述食物只係個Pizza上枱係熱，其餘湯、意粉同飯只係暖，個飯中間位置係凍......餐後我終於明白，點解由我12:40pm坐到1:30pm，店內包括我同兩位朋友只得~~~6個客人。