影片
更多
2010-08-22
128 瀏覽
荃灣廣場近幾個月都在攪卡通人物主題展覽，呢期正好係「叮噹」。雖然我一向專重知識產權，但我更專重我的童年回憶。這篇食評中我會叫「叮噹」而不叫「多拉Ａ夢」。在我此等年紀的人，都是叮噹大雄伴著我長大。之前睇過雜誌，知道荃灣廣場有個叮噹主題餐廳，限時營業，八月中就完。早在上星期已經一碰運氣，怎料收錯風，營業時間只在下午茶時段，平日要食難過登天。今天，看過INCEPTION後，終於見到佢有開門，不過亦到見到真身，原來只得小小的兩張坐檯，三張企檯，賣的，都只是小食，算不上甚麼餐廳。不過叮噹迷不要失望，有三樣食物真是非常得意，可以話買左都唔捨得食。基本是，食物名稱都是跟叮噹卡通有關，但只有三樣食物有叮噹圖案。誠實豆沙包、動物餅乾、翻譯蒟蒻。始終是版權野，售價一點也不便宜。我地買左一個誠實豆沙包，一個翻譯蒟蒻。誠實豆沙包，不是星爺在整蠱專家裡的道具，誠實豆沙包其實係豆沙餅，但裡頭的料是綠茶吉士+紅豆，表面印有叮噹的樣子。吃下去是凍的，綠茶吉士很多紅豆很少，正合老婆口味，整個包都不太甜，紅豆不多也不會蓋過綠茶味，沒想到卡通食品都有如此水準，真希望這個誠實豆沙包可以長賣長有。食左唔知係咪真係會誠實呢？翻譯
之前睇過雜誌，知道荃灣廣場有個叮噹主題餐廳，限時營業，八月中就完。早在上星期已經一碰運氣，怎料收錯風，營業時間只在下午茶時段，平日要食難過登天。
今天，看過INCEPTION後，終於見到佢有開門，不過亦到見到真身，原來只得小小的兩張坐檯，三張企檯，賣的，都只是小食，算不上甚麼餐廳。不過叮噹迷不要失望，有三樣食物真是非常得意，可以話買左都唔捨得食。
基本是，食物名稱都是跟叮噹卡通有關，但只有三樣食物有叮噹圖案。誠實豆沙包、動物餅乾、翻譯蒟蒻。始終是版權野，售價一點也不便宜。
我地買左一個誠實豆沙包，一個翻譯蒟蒻。誠實豆沙包，不是星爺在整蠱專家裡的道具，誠實豆沙包其實係豆沙餅，但裡頭的料是綠茶吉士+紅豆，表面印有叮噹的樣子。吃下去是凍的，綠茶吉士很多紅豆很少，正合老婆口味，整個包都不太甜，紅豆不多也不會蓋過綠茶味，沒想到卡通食品都有如此水準，真希望這個誠實豆沙包可以長賣長有。食左唔知係咪真係會誠實呢？
翻譯蒟蒻其實是啫哩，在售賣處的，是叮噹圖案，但我買到的，是叮鈴圖案，正好跟誠實豆沙包上的叮噹圖案湊成一對。啫哩是正常的果汁味，但因為要固定卡通人物的樣子，恐怕下了過多的魚膠粉。相比起誠實豆沙包，啫哩只是一般貨色，無疑是比下去了。
我沒買動物餅乾，因為應該只是普通曲奇，兩塊賣$10太貴了。其實正確黎講，我不是在這間波菲買的，但那個誠實豆沙包的招紙寫著是波菲出品，所以就把食評寫在這裡了。
商場仲有其他叮噹玩具布景，叮噹迷必定樂而忘返。如果大家想食要快啦，明天就是最後一天，有去趁早了。
張貼
