東京街 (一門町市場)

營業中

休息中

位於荃灣荃新天地2 地下有個區域叫一門町市場，裏面有好幾間日式餐廳，今次我哋第一次入嚟，試咗一間叫「東京街」。呢間餐廳主要都係食壽司，刺身，同埋各款飯丼，仲有拉麵烏冬。餐廳設有自助吧，有茶水飲斟，仲有沙律菜同埋生果（橙） 都可以任食。我嗌咗個「切角魚生飯」 $78，可以另加套餐ABCD選擇，我加咗個最貴嘅D餐，都只係另加$20，咁就可以有埋湯、沙律、蒸蛋同埋一杯嘢飲。三文魚份量都頗多 件件都夠厚，仲有幾件吞拿魚，兩隻甜蝦，同埋蟹籽。整體刺身都較新鮮。蟹柳沙律 味道調得非常好，看似平凡，食落先甜美味。呢個蒸蛋，味道唔算差，不過啲蛋似乎蒸得比較耐，唔夠滑。麵豉湯正正常常，不過不失。套餐跟一杯嘢飲，自由選擇。