尚點 小籠包.上海菜館 (悅來坊) (已結業)

廢話唔講太多啦，首先總括地講一句，佢嘅裝修都比得上酒店嘅餐廳，但係食物就比街邊嘅上海店仲要差少少。服務都非常之一般，紙巾又冇、餐巾又冇，啲侍應仲要非常之唔耐煩，黑口黑面。本來阿媽鍾意食上海菜，就專登揀一間近我哋屋企嘅上海餐廳。但係估唔到所有嘢除咗一般之外就係差。金網生煎鍋貼個賣相，係唔錯味道一般鮮肉小籠包四件，係唔錯嘅但係都唔係超水準。花雕醉雞，酒味係幾大，但係啲雞非常之老，一啲都唔滑。熏魚真係好一般，街邊嗰啲差唔多。干扁四季豆幾好。油豆腐粉絲湯，呢個湯我覺得唔錯。上海擔擔麵，好普通，冇咩評價。元貝賽螃蟹，都係太普通啦唔知有咩評價。豆漿冇嘢講酸梅湯，呢個真係過分，好似水溝酸梅湯咁，非常之淡，完全飲唔到酸梅湯味，$200任食嗰啲自助餐嘅酸梅湯都好過佢。