影片
更多
2012-02-09
92 瀏覽
急不及待寫呢個食評.....琴晚好幸運得到 Openrice 既邀請, 黎到呢度進行一個黑暗既飯局《暗中開飯夜宴 - Dinner In The Dark》遊戲規則係.........禁止攝影!!準時 7 點 3 前去到會場, 自己剔個名之後, 就拎返屬於自己枱號既名牌~其他被邀既食家都好準時, 所以坐低等左一陣之後, 就開始嚕..............................一開始, 有大會既工作人員先詳細講解, 解說呢個飯局既情序同意義~聽完之後, 大家就開始緊張, 因為即將要踏入一個...........密室!!!!首先, 將自己既隨身物品, 比如: 袋, 電話, 眼鏡...etc 全部收入會場提供既 locker!!然後我地根據點名紙既安排, 分為 4 組: A / B / C / D, 乖乖咁排好隊~一組大約係 6 個人, 每組入面都安排左 Openrice 既員工同行~之後就係派每人一支『手杖』, 小組分別慢慢向黑暗前進....等待既我, 心情愈黎愈緊張, 緊張之餘又覺得好興奮 >"<幾分鐘之後, 終於到我果組起步啦!!!!!!全組人先行入一個黑幕
琴晚好幸運得到 Openrice 既邀請, 黎到呢度進行一個黑暗既飯局《暗中開飯夜宴 - Dinner In The Dark》
遊戲規則係.........禁止攝影!!準時 7 點 3 前去到會場, 自己剔個名之後, 就拎返屬於自己枱號既名牌~
其他被邀既食家都好準時, 所以坐低等左一陣之後, 就開始嚕..............................
一開始, 有大會既工作人員先詳細講解, 解說呢個飯局既情序同意義~
聽完之後, 大家就開始緊張, 因為即將要踏入一個...........密室!!!!
首先, 將自己既隨身物品, 比如: 袋, 電話, 眼鏡...etc 全部收入會場提供既 locker!!
然後我地根據點名紙既安排, 分為 4 組: A / B / C / D, 乖乖咁排好隊~
一組大約係 6 個人, 每組入面都安排左 Openrice 既員工同行~之後就係派每人一支『手杖』, 小組分別慢慢向黑暗前進....
等待既我, 心情愈黎愈緊張, 緊張之餘又覺得好興奮 >"<
幾分鐘之後, 終於到我果組起步啦!!!!!!
全組人先行入一個黑幕, 黑幕後面都仲有微微既光線....
我地先響黑幕後面企左一陣子, 以便適應一片漆黑既房間~
其實, 呢個唔可以叫做 "暗中開飯", 應該叫: 漆黑夜宴!! 因為..........
完全一 D 都唔暗, 直頭就係黑漆漆一片, 伸手不見 5 指!!!!
果一刻既感覺......真係好難形容!!
只係感覺到自己手掌冰冷, 但手心不停出汗, 唯有起勢咁揸實手杖!!!
還好, 每小隊都有一位大會員工既聲音帶領, 否則....真係覺得超無助~
其實行既路程可能只係平時既 10 數步, 但係....果一刻, 響完全睇唔到野既情況下....
我相信, 我地應該係用多左 3 倍時間去行到自己既坐位~
因為我地每個都好緊張, 好小心, 細細步咁去探索可以行既路!!
好唔容易咁終於行到自己既位置, 乖乖坐低之後又係另一個開始.......探索餐枱時間!!!!
因為好驚自己粗心大意會掃晒 D 餐具落地, 又驚打爛 D 杯杯碟碟, 所以真係同行入黎既時候一樣咁緊張 >"<
慢慢+輕輕, 終於知道自己前面有 D 咩....包括: 刀, 叉, 匙, 乾/濕紙巾, 牛油碟/刀, 水杯.....etc
探索完之後, 真係唔敢輕舉妄動, 乖乖坐響度聽大會同事安排同指引!!!!
又經過左一輪解說之後, 我地開始小心翼翼咁慢慢動手.......
第一個挑戰就係......倒水!!
枱上面有樽好大既水, 你想飲就要靠自己倒入水杯......
你完全唔會知道倒入水杯既水有幾滿, 真正第 1 次倒杯水都騰雞過人 = =!
有水飲之後, 就乖乖地等上菜....
呢晚既餐單包括: 頭盤 / 主菜 / 甜品 / 餐飲
你唔會預先知道呢晚食咩, 每上一度菜既時候亦唔會講你知呢碟係咩....
不過大會既員工會 keep 住同你有聲音既交流, 方便知道大家既位置, 等佢可以幫你收碟, 上菜...etc
而你響無左視覺既情況下, 你只可以靠自己既味覺, 嗅覺去品嚐....
食既每一樣野其實一 D 都唔複雜, 只不過, 當你唔知道碟上面有咩既時候...................
蝦碌情況就發生嚕....比如: 鼻頭碰到美食, 手指插入美食, 推倒飲品, 將美食推左落枱/自己身上/地下....etc.
還好, 我地無發生打碎餐具既情況, 哈哈哈~
同枱既係 2 位卓越食家 + 3 位 Openrice 員工, 大家自己介紹過之後, 開始左傾傾右傾傾. 大家好都 nice 耶 =)
每食到一樣野, 我地都會興奮咁報告比同枱既隊員知...就好似發現新大陸咁, 哈哈~
當食到一 D 自己唔太肯定既食物, 我地就會齊齊討論.....
最後一個挑戰就係幫你既戰友調教一杯餐飲....安全起見, 大部份都係熱茶就算嚕, 哈!!
食飽飽之後, 我地又再拎起手杖上路, 跟住大會員工既聲音慢慢行出密室......
出左密室就去返入口既黑幕, 暗暗既光線原來響漆黑一片入面係一度強光呢~
wow....頭暈暈耶.....應該係漆黑中去返有光既地方未適應....
所以出左密室之後, 要乖乖企定望住地下嚕~
等稍稍適應返光之後就步出黑幕, 會場出面已經預先放好左我地頭先食過既頭盤 / 主菜 / 甜品 / 餐飲
吼吼吼, 開估去...........結果, 好厲害!! 我地估中晒每一度菜既內容!!!!! Yeah!!!!
((** 尊重大會規例：無餐單 / 食物照 **))
呢晚唔係一個飯局, 而真係一個好充實既體驗, 幸運地自己從來都無試過失去視力!!
雖然一直都知道眼睛既重要性........不過都係好難想像, 如果自己眼睛睇唔到野既時候會有咩感覺.....
今次真係完完全全體會到, 還好我地有一班員工既聲音導航, 否則....................
所以, 的確好佩服一班失明人士, 因為響呢個黑漆漆既世界入面, 無可否認佢地的確比我地更強!!
問心, 自己都係奧比斯既忠實粉絲, 亦參加過無數次既盲俠行...
當中亦都有要你戴住眼罩行一段小路既體驗, 只可以講........呢次既感覺係完全無得比!!
推!!!
推!!!
推!!!
開心體驗過後, 當然唔少得影返張相留念啦~
為左配合返呢個黑麻麻既主題, 相中人都係好神秘的喲~
多謝 Openrice 同大會既邀請及精心安排呢個...........超盡興, 超快樂, 超難忘, 超刺激之旅 {感動}哇哈哈哈, 期待下一次!!! =]
張貼
