影片
更多
2010-10-03
22 瀏覽
上星期係雜誌見到紅磡開左間蟹粥店，咁我見好友就黎生日，諗住大顆兒同佢去個度慶生，加上我地成班都鍾意食蟹，所以個個都贊成去。不過去之前都見到D食評話要等好耐先有位，所以都預左要等，希望唔駛好耐啦~!!!近七點去到，等左35分鐘，終於有枱。一入到去即時有侍應落單，我地六個人當然點最出名嘅 “生記膏蟹粥”(特)、“籠仔膏蟹飯”(特)、“春卷”(4條)、 “炸八爪魚丸”(6粒)、 “冬陰公蜆”、同清清地的炒菜心。過左大約20分鐘到先黎個膏蟹粥 (以即叫即整的速度，都OK~)，粥底綿綿的，好有蟹味，蟹肉鮮甜---正~! 我地每個都食完再添! 食食下就跟住黎個“籠仔膏蟹飯”，一來到，個個都 ”嘩”一聲，好香蟹同荷葉味，個賣相好似好好食咁，個個都爭住要，個蟹殼裡面有啲蟹汁比你倒落飯到，GOOD! “冬陰公蜆”係第三樣，其實我係唔食辣，但我都食到，不過我覺得啲冬陰公味可以重啲同辣啲，咁就會更 “野”味。春卷唔錯，驚喜係有蜆肉係裡面架!!! (唔記得影相添) 八爪魚丸真係有八爪魚係裡面，可惜比較硬，惟一這個就相對失色了。整體黎講，無論食物味道、服務都有水準，真係唔錯，不過係環境細左D，我
近七點去到，等左35分鐘，終於有枱。一入到去即時有侍應落單，我地六個人當然點最出名嘅 “生記膏蟹粥”(特)、“籠仔膏蟹飯”(特)、“春卷”(4條)、 “炸八爪魚丸”(6粒)、 “冬陰公蜆”、同清清地的炒菜心。過左大約20分鐘到先黎個膏蟹粥 (以即叫即整的速度，都OK~)，粥底綿綿的，好有蟹味，蟹肉鮮甜---正~! 我地每個都食完再添! 食食下就跟住黎個“籠仔膏蟹飯”，一來到，個個都 ”嘩”一聲，好香蟹同荷葉味，個賣相好似好好食咁，個個都爭住要，個蟹殼裡面有啲蟹汁比你倒落飯到，GOOD! “冬陰公蜆”係第三樣，其實我係唔食辣，但我都食到，不過我覺得啲冬陰公味可以重啲同辣啲，咁就會更 “野”味。春卷唔錯，驚喜係有蜆肉係裡面架!!! (唔記得影相添) 八爪魚丸真係有八爪魚係裡面，可惜比較硬，惟一這個就相對失色了。
整體黎講，無論食物味道、服務都有水準，真係唔錯，不過係環境細左D，我見佢8點半多就係出面開多左幾張枱，我地諗係因為佢地等鋪裡各張枱的食物出得七七八八，先開出面個啲，咁既安排都唔錯呀，畢竟想食好野都真係值得等既，如果早D去食，可能唔駛等咁耐! 哈哈!
有樣野要讚既係，我地食完過左一陣都唔覺口渴，應該係冇咩味精!! 價錢平又好味道，一定再試!
張貼
