更多
2014-04-30
190 瀏覽
四月的某個星期天 在和合石拜山後行回火車站途中太座要醫肚, 行到花都廣場見到呢間酒樓, 就試下囉! 時值三點半以後, 下午茶$7/位茶, 小點:$11.80, 中點$14.80, 大點:$16.80, 特點:$18.80 價位比市區的大約平兩蚊/每個品種, 但燒腩仔 的例就唔知點解要收$78?? 一般普通的茶樓做緊$50! 店內算係闊落, 點心叫咗幾品, 普普通通, 但個南瓜煎堆仔就吸滿油, 食咗一粒已經頂唔住了, 叫太座唔食就算啦, 咁啱見經理行過, 突然之間自已想做一些好少做的事-“投訴”或者叫”反映意見”估唔到個經理好有禮貌咁笑住口話:唔好意思, 呢個取消佢啦!少有的唔死雞撐飯蓋那種態度, 點心質素雖則麻麻但經理態度加分, 最後叫的”勝瓜肉絲炒米” 沒什麼味精炒出真味來, 雖然勝瓜有少許淋身但已經做得好真實了, 下年還有機會來試吧
張貼
