四十一冰室 (已結業) 查看

晨早流流，陪阿女出去面試，搞完剛好中午時份，附近沒有什麼好地方去，突然醒起美荷樓，之後坐地鐵過來。今天是第一次到訪，感覺與中環 PMQ 差不多，但這裡店鋪比它小，因只有兩層是給訪客，其他也是酒店房間。餐廳就只有一間，有點像員工飯堂，價格中等，我們三人叫了一個焗豬扒飯加三層架甜品，都唔算等好耐就有得食。焗豬扒飯好有懷舊風味，用錫紙裝住，好像已經好少餐廳這樣煮了。豬扒薄切，上面好多芝士，茄汁煮得比外邊較杰，所以最好攪均才吃，味道嘗可。三層架甜品頗多款式，頂層有炸物和沙律，中層下層主要是蛋糕，麵包或鬆餅。味道一般般沒有特別好，不過價錢也算OK。這裏環境比食物更加吸引，牆壁上的畫都幾特別，確實係打卡好地方。