無名炭爐雞蛋仔 (已結業)

香港人最鍾意趕尾班車，大家聽到牛頭角下村要拆，即刻全港既拍友都湧哂去牛下。因為咁樣，牛下既餐廳生意比未執之前仲好。老實講，牛下既食肆既衛生倩況真係唔太理想，都難怪當年董太沙士期間時要全副武裝出動。雞蛋仔係香港特色小食，係牛下一個咁有本地特色既地方食，更有風味。十蚊雞一底，價錢唔算特別平，但係依然排哂隊。佢既雞蛋仔既質感好似蛋糕既軟綿綿感覺，唔似一般既脆口，都算幾特色。牛下拆左之後，呢種推車仔既雞蛋仔風味，仲有邊到可以試到呢？