漢堡B (已結業)

第二次食Burger B， 今次叫左珍寶餐，有個咩都有嘅漢堡包（煙肉、番茄、蛋、菠蘿、漢堡、菜、千島醬），加左＄15叫餐有小食（手指魚柳），加$8有個羅宋湯。個包本身好好味，烘底有鬆軟，塊漢堡夠熱夠juicy，如果塊菠蘿可以係新鮮菠蘿就perfect! 略嫌塊煙肉乾咗啲......個包好大個跟餐超飽，我同男朋友兩個人share食一個餐都已經夠晒，我另外喺附近買咗杯鮮榨果汁。記得帶定濕紙巾食完抹手，因為個包太多料，D醬會溜出黎。