La Resaca (已結業)

聽朋友講，喺利東街附迎有間唔錯嘅西班牙餐廳。今日去開灣仔就試試佢。西班牙檸檬啤酒 🍻老闆好好客，免費請我哋飲，飲落好清新仲好開胃。.西班牙海鮮飯 ($328)果然係招牌菜✔️ 超足料嘅海鮮飯，飯粒之間仲有chorizo粒同蔬菜粒，好惹味。.炸蟹肉球 ($58)好別緻嘅炸球，入面塞滿蟹肉，好滿足。.溫泉蛋辣肉腸薯絲 ($88)第一次食呢種tapas, 溫泉蛋流心煮得剛剛好，撈埋脆脆嘅薯絲送酒一流。.黑毛豬火腿多士 ($88)多士烤得好香脆，入面嘅芝士烘到溶溶哋，夾埋火腿食好正。.