影片
更多
2014-11-18
1297 瀏覽
今日同家姐去試咗尼間蛋包飯，非常滿意！等位既時候員工都非常有禮貌，好客氣。到有客人埋單行出嚟既時候，員工再確認一下我地人數，好客氣咁話唔好意思，請我地再等等，清潔好枱面之後就請我地入去，再話唔好意思要我地等咁耐（但係可能因為我一路同家姐傾計，覺得其實都唔係等咗好耐啫）。坐低之後我地就點餐，係我地睇緊揀咩既時候有位員工好細心咁同我地講解各樣選擇，態度和藹可親。結果我同家姐決定share一個咖哩忌廉蛋包飯，因為打算陣間再去試oddies😆。決定咗之後員工都態度好好咁問係咪share?我話係，之後另一位員工即刻攞咗個碗同羹比我地，非常細心。蛋包飯既蛋非常滑溜！同我之前係Izxxx Curry食到既比真係無得彈。忌廉汁好creamy，我同家姐都好中意！咖哩汁都好好味，不過如果傑多少少會重正！食完之後真係好想再叫多碟，share真係唔夠喉！不過為咗保持戰鬥力去試oddies，唯有忍忍口啦！下次再食過！P.S. 尼度啲員工真係nice同friendly到不得了，同客人們都有講有笑，氣氛好好😄如果你地睇到尼篇食評，希望你地keep it up啦！我好欣賞你地！加油！
等位既時候員工都非常有禮貌，好客氣。到有客人埋單行出嚟既時候，員工再確認一下我地人數，好客氣咁話唔好意思，請我地再等等，清潔好枱面之後就請我地入去，再話唔好意思要我地等咁耐（但係可能因為我一路同家姐傾計，覺得其實都唔係等咗好耐啫）。
坐低之後我地就點餐，係我地睇緊揀咩既時候有位員工好細心咁同我地講解各樣選擇，態度和藹可親。結果我同家姐決定share一個咖哩忌廉蛋包飯，因為打算陣間再去試oddies😆。決定咗之後員工都態度好好咁問係咪share?我話係，之後另一位員工即刻攞咗個碗同羹比我地，非常細心。
蛋包飯既蛋非常滑溜！同我之前係Izxxx Curry食到既比真係無得彈。忌廉汁好creamy，我同家姐都好中意！咖哩汁都好好味，不過如果傑多少少會重正！
食完之後真係好想再叫多碟，share真係唔夠喉！不過為咗保持戰鬥力去試oddies，唯有忍忍口啦！下次再食過！
P.S. 尼度啲員工真係nice同friendly到不得了，同客人們都有講有笑，氣氛好好😄
如果你地睇到尼篇食評，希望你地keep it up啦！我好欣賞你地！加油！
張貼
