更多
2016-04-29
13662 瀏覽
早幾日生日去慶祝去左呢間酒店食自助餐6:30準時入席, 如果太早到就要係門口外罰企...入到去, 食物水準唔錯佢D蠔唔同其他酒店, 雖然細隻, 但係勝在快, 唔會供不應求或者排隊...(隔離個光頭阿叔一手拿左20隻...真係...)蠔就印象中係澳洲蠔, 蠔味同海水味適中, 本人因此食左一打...爽海鮮bar除左蠔, 仲有青口, 螺, 蟹腳, 麵包蟹呢幾樣, 樣樣都試過, 都係蠔好食XD(青口就唔夠凍, 螺就一般唔夠鮮, 蟹腳D肉好易散... 麵包蟹D膏有陣膠味...)刺身就有吞拿魚同三文魚,帶子, 仲有一隻唔記得咩魚(好似係粗口魚), 味道同放題差不多, 不過個女師傅好友善同有禮, 好開心 ^_^(有冷麵, 烏東,不過兩者都一般, 可能擺得耐)食左三輪冷盤, 就食熱盤...熱盤有煮龍蝦(要排隊), 白菌汁牛柳(極品, 極之推介), 中式燒味(大煞風景)等等煮龍蝦就酒樓味, 冇咩特別, 但係勝在一丁友可以霸半隻(因為細隻)白菌汁牛柳更加, 極品是也, 白菌汁加紅酒耐以淋淋的牛肉, 正XD食完兩輪, 就食甜品兩杯咖啡味哈根大師, 同埋心太軟(好食,不過一定要夾雪糕), 仲有場內的甜品都俾我
去左呢間酒店食自助餐
6:30準時入席, 如果太早到就要係門口外罰企...
入到去, 食物水準唔錯
佢D蠔唔同其他酒店, 雖然細隻, 但係勝在快, 唔會供不應求或者排隊...(隔離個光頭阿叔一手拿左20隻...真係...)
蠔就印象中係澳洲蠔, 蠔味同海水味適中, 本人因此食左一打...爽
海鮮bar除左蠔, 仲有青口, 螺, 蟹腳, 麵包蟹呢幾樣, 樣樣都試過, 都係蠔好食XD(青口就唔夠凍, 螺就一般唔夠鮮, 蟹腳D肉好易散... 麵包蟹D膏有陣膠味...)
刺身就有吞拿魚同三文魚,帶子, 仲有一隻唔記得咩魚(好似係粗口魚), 味道同放題差不多, 不過個女師傅好友善同有禮, 好開心 ^_^
(有冷麵, 烏東,不過兩者都一般, 可能擺得耐)
食左三輪冷盤, 就食熱盤...
熱盤有煮龍蝦(要排隊), 白菌汁牛柳(極品, 極之推介), 中式燒味(大煞風景)等等
煮龍蝦就酒樓味, 冇咩特別, 但係勝在一丁友可以霸半隻(因為細隻)
白菌汁牛柳更加, 極品是也, 白菌汁加紅酒耐以淋淋的牛肉, 正XD
食完兩輪, 就食甜品
兩杯咖啡味哈根大師, 同埋心太軟(好食,不過一定要夾雪糕), 仲有場內的甜品都俾我食晒XD
咖啡蛋糕一般, 意式蛋糕唔錯但份量太少, 其他朱古力製品除左心太軟之外, 只可以玩玩下
食左個半鐘, 閃人
有優惠, 計埋一人太約500蚊左右, 抵到爛
下次會再試 ^_^
張貼